Густав Холоубек

Уикипедия — ашық энциклопедиясынан алынған мәлімет
Jump to navigation Jump to search
Тадеуш Конвицкий және Густав Холоубек

Густав Холоубек (пол. Gustaw Teofil Holoubek) (21.04.1923 жылы туған,Краков-06.03.2008,Варшава) - поляк актері.

Өмірбаяны[өңдеу]

1949 жылы Краковтағы Жоғары драма мектебін бітірді. Краков, Катовице театрларында қызмет етті. 1958 жылы Варшаваға қоныс аударды. Сол жылдан ол - осындағы "Театр Народовы" труппасында актер. Ойнайтын кеіпкерінің ішкі жан дүниесін философиялық мазмұнмен байыта отырып, терең психологиялық бояумен бейнелеу, оған қосы сахналық қаһармандардың мінез ерекшелігін тап басу әрі көркем жинақтау мен парасаттылыққа ұмтылушылық оның актерлік өнеріне тән қасиет.

Рөлдері[өңдеу]

Театрда Гец (Сартрдың "Пері мен тәңірісінде"), Эдип(Софоклдың"Эдип патшасында"),Гамлет, Ричард II(Шекспирдің осы аттас трагедияларында),ал кинода (1953 жылдан) Феликс Дзержинский ("Жеңіс солдатында"), Куба ("Тұзақта",1958),Анджей ("Заң мен кулакта",1964), Наполеон("Марыся мен Наполеонда",1966) т.б. рөлдерді орындады.

Сыйлықтары[өңдеу]

  • ПХР Мемлекет сыйлығының лауреаты (1966).

Қолданылған әдебиет[өңдеу]

  • Қазақ Совет энциклопедиясы, 1978 жыл, Алматы,12 том, 42 бет