Гүлбахрам Байбосынова
| Гүлбахрам Байбосынова | |
| Жалпы мағлұмат | |
|---|---|
| Туған күні | |
| Туған жері | |
| Азаматтығы | |
| Мамандығы | |
Гүлбахрам Байбосынова (27 шілде 1987 жыл, Жезқазған[1]) — қазақстандық театр және кино актрисасы, тележүргізуші.
Байбосынова Гүлбахрам Ахатқызы 1987 жылы шілденің 27 жұлдызында Жезқазған қаласында дүние есігін ашқан. Актриса – егіздің сыңары. Өмір есігін қатар ашқан егізінің есімі – Гүлбарам. Көпбалалы отбасында өскен Гүлбахрамның жанұясында 7 бала. Өнерлі, шығармашыл отбасында өмірге келген әртіс бала күнінен өнерге жақын өскен. Ол Жезқазғандағы №13 қазақ-орыс мектебінде білім алған.[2]
Мансабы
[өңдеу | қайнарын өңдеу]Мектеп ұясынан түлеп ұшқаннан кейін Алматы қаласына келіп, Темірбек Жүргенов атындағы Өнер академиясына түсіп, «Театр және кино» мамандығы бойынша оқыған. Университеттегі білімін тәмамдағаннан кейін, 2009 жылы Ғ.Мүсірепов атындағы балалар мен жасөспірімдер театрына жұмысқа қабылданып, түрлі қойылымдағы рөлдерді шебер сомдап келеді.[1]
Сахнадағы рөлдері
[өңдеу | қайнарын өңдеу]- Қ.Мұхамеджанов «Бөлтірік бөрік астында» – Марфуға, Жәмила;
- С.Ахмад «Келіндер көтерілісі» – Мухайе, Нигора;
- С.Сматаевтың «Көгілдір таксиінде» – Мариям;
- Т.Теменов «Шығыс сазы» – Патшайым;
- «Махаббат сазы» – Қыз;
- М.Хасенов «Жұбайлар-ай, жұбайлар!» – Элиза;
- Н.Ораздың «Адасқан жұлдызында» – Актриса;
- «Таудағы түн» – Мәдина;
- Ш.Айтматовтың «Теңіз жағалай жүгірген тарғыл төбетінде» – Ана;
- М.Әуезовтің «Ай Қарагөзінде» – Қарагөз;
- В.Ежовтың «Бұлбұлдар түнінде» – Нина;
- Э.Хушвақтовтың «Сүйе білсеңінде» – Рушана және т.б. рөлдерін сомдаған.[3] Киелі сахнаның қасиетін ұғынып, «өмірім - өнерім» дейтін актриса. Театрдағы жұмысынан бөлек, акриса бірнеше отандық фильмдер мен телехикаялардан бой көрсеткен. Көрермендер көңіліне жылу ұялатып, жүректеріне жол тауып, актрисаға танымалдық алып келген 100 сериялы «Қарашаңырақ» телехикаясындағы Алтынай рөлі. Инабатты, жарына адал, тіреу де сүйеу де болып, түсіне білетін, ата-ананы қадірлейтін қазақ келінінің бейнесі Гүлбахрамның "Алтынай" ретінде, әдеп сақтаған келін ретінде ел жүрегінде сақталуына, сүйсінуіне сеп болды.[2]
Фильмдер тізімі
[өңдеу | қайнарын өңдеу]| Жыл | Фильм, телехикая атауы | Сомдаған рөлі | Дер. |
|---|---|---|---|
| 2010 | Жасұлан (телехикая) | Әскери лейтенант қыз | [4] |
| 2012 | Шал | Қасымның анасы | |
| 2013 | Бауыржан Момышұлы (фильм) | ||
| 2014 | А.Сатаевтың «Қара шаңырақ» телехикаясы | Алтынай | |
| 2014 | Тропинка к облакам | ||
| 2015 | Айжан | Айжан | |
| 2015 | Таңдау | Айгуль | |
| 2016 | Тараз | ||
| 2016 | Мезет, или Просто жизнь | ||
| 2016 | Золушка Зауре (телехикая) | Администратор | |
| 2017 | Девушка и море | ||
| 2017 | Тергеушілер | ||
| 2017 | Текетірес (қысқа телехикая) | ||
| 2018 | Шестой пост (фильм) | ||
| 2019 | Гаухар | ауыл мұғалімі (директор Аяна) | |
| 2024 | Нұрикамал | Ханбибі Есенқарақызы |
Жеке өмірі
[өңдеу | қайнарын өңдеу]Бүгінде актриса тұрмыста. Гульбахрам Байбосынова 2022 жылы Ғ.Мүсірепов атындағы балалар мен жасөспірімдер театрының актері Қазбек Төленмен отбасын құрды.[5]
Дереккөздер
[өңдеу | қайнарын өңдеу]- ↑ a b https://www.kino-teatr.ru/kino/acter/w/post/412452/bio/
- ↑ a b https://forum.stan.kz/2553/gulbahram-baybosinova-omirbayanin-bilesizder-me
- ↑ https://musrepov.kz/g-lbahram-bajbosynova/
- ↑ https://www.kinopoisk.ru/name/3713252/
- ↑ https://www.caravan.kz/news/kazakhstanskaya-aktrisa-vyshla-zamuzh-za-parnya-na-10-let-molozhe-sebya-888913/