Гүлжихан Жұмабайқызы Нұрышева

Уикипедия — ашық энциклопедиясынан алынған мәлімет
Jump to navigation Jump to search

Гүлжиһан Жұмабайқызы Нұрышева (14.1.1959 жылы туған, Атырау облысы Махамбет ауданы Есбол ауылы) – философия ғылымдарының докторы (2002), профессор (2006).

Оқу жолы[өңдеу]

ҚазМУ-дың Философия және экономика факультетінің "Философия" бөлімін (1980, қазіргі ҚазҰУ), "Философия" мамандығы бойынша ҚазМУ-дың аспирантурасын (1992), Абай атындағы Алматы мемлекеттік университетінің, қазіргі ҚазҰПУ докторантурасын (2001) бітірген.

Жұмыс жолы[өңдеу]

Гурьев педагогикалық институтында (1980–1996, қазіргі Атырау мемлекеттік университеті) оқытушы, аға оқытушы болып қызмет етті.
1996 жылдан Абай атындағы Алматы мемлекеттік университетінде (ҚазҰПУ) аға оқытушы, доцент, профессор қызметтерін атқарды. 2004 жылдан 2013 жылға дейін - Қазақстан-Британ техникалық университеті "Философия және құқық" кафедрасының, 2013 жылдан бастап әл-Фараби атындағы Қазақ ұлттық университеті "Философия" кафедрасының меңгерушісі.

Ғылыми еңбектер[өңдеу]

Общественное сознание казахского общества конца 19-начала 20 века" тақырыбына кандидаттық (1992), "Адам өмірі мәселесінің қазақ философиясындағы көрінісі»' тақырыбына докторлық диссертация қорғады.

Қазақ философиясы, философия тарихы, философиялық антропология салалары бойынша Қазақстан, Ресей, Франция, Польша, Чехия, Монғолия, Түркияда жарық көрген 100-ден астам ғылыми еңбектің, 2 монографияның, Қазақстан Республикасы жоғары білім беру кеңістігінде кеңінен қолданылып жүрген бірнеше оқулықтар мен оқу құралдарының авторы. Мемлекеттік "Мәдени мұра" бағдарламасының және ҚР Білім және Ғылым Министрлігі Ғылым комитетінің гранттық қаржыландыруына ие болған ғылыми жобалардың аясында ізденістер жүргізді.[1]

Дереккөздер[өңдеу]

  1. "Қазақ энциклопедиясы"