Гүлжәмилә Ихсанқызы Қадырбекова

Гүлжәмилә Ихсанқызы Қадырбекова
Негізгі ақпарат
Туған күні	13 қазан 1949 (1949-10-13) (76 жас)
Туған жері	Алматы, Қазақ КСР
Мемлекет	КСРО  Қазақстан
Мамандықтары	пианиношы, музыка мұғалімі
Аспаптары	фортепиано
Жанрлары	классикалық музыка
Марапаттары	Құрмет ордені

Гүлжәмиля Ихсанқызы Қадырбекова (13 қазан 1949, Алматы, Қазақ КСР) — қазақстандық пианиношы, өнертану профессоры (1994). Қазақ КСР халық әртісі (1991). Қазақ КСР еңбек сіңірген әртісі (1982). Құрманғазы атындағы Қазақ ұлттық консерваториясының профессоры.

Өмірбаяны

Әкесі - Қадырбеков Ихсан Қадырбекұлы, Қазақстан Коммунистік партиясы облыстық комитетінде ауыл шаруашылығы бөлімінің меңгерушісі қызметін атқарған. Анасы - Ахметова Нүрхан Бәтішқызы, зейнеткер, экономика ғылымдарының докторы, профессор, ҚазКСР ҒА Орталық ғылыми кітапханасының директоры қызметін атқарған. П.И. Чайковский атындағы Мәскеу мемлекеттік консерваториясының фортепиано факультетін (1972) концерттік орындаушы, педагог мамандығы бойынша; ЮНЕСКО жанындағы Халықаралық жоспарлау институтын (Париж қ., 1997) педагог, концертмейстер мамандығы бойынша; Абылай хан атындағы Қазақ халықаралық қатынастар және әлем тілдері университетін (1999) француз тілінің мұғалімі мамандығы бойынша бітірген. Құрманғазы атындағы Қазақ ұлттық консерваториясының профессоры (1994 жылдан). С.В. Рахманинов. «Паганини тақырыбына рапсодия», «Орындаушы-педагогтың жазбалары» әдістемелік көмекші құралдарының авторы. Қазақ, орыс, француз, неміс, итальян, венгер және эстон тілдерін біледі. 1974 жылдың тамыз айынан - Құрманғазы атындағы Алматы мемлекеттік консерваториясының арнайы фортепиано кафедрасының оқытушысы. 1974 жылдың қазан айынан Жамбыл атындағы Қазақ мемлекеттік филармониясының солисі. 1991 жылдан бері - Құрманғазы атындағы Қазақ ұлттық консерваториясының арнайы фортепиано кафедрасының оқытушысы, 1994 жылдан - профессоры. ҚР Халық әртісі (1991). «Құрмет» орденімен (2000); «Астана» медалімен (1998) марапатталған. Виотти атындағы халықаралық пианистер конкурсының 1-ші абсолюттік жүлдесінің иегері (Италия, 1980). Хоббиі - спорт (үлкен теннис, тау шаңғысы), әдебиет, кескіндеме өнері, кино. Сүйіп оқитын әдебиеті - Т. Әбдіков, С. Торайғыров, М. Кундера. Қызы - Сепп Майа.

Пианист, Қазақстанның халық әртісі. 1949 жылы Алматы қаласында туған. 1967 ж. К.Байсейітова атындағы музыкалық мектепті бітіріп, П И. Чайковский атындағы Москва мемлекеттік консерваториясына түскен. Профессор, РКФСР-дің еңбек сіңірген артисі Г.Акселородтың арнайы фортепиано сыныбы бойынша оқыған. Консерваторияны бітірген соң аспирантурада оқуын жалғастырды, 1980 жылы Верчелли қаласындағы (Италия) Виотти атындағы пианистердің Халықаралық конкурсына қатысып, 1- ші сыйлықты және лауреат атағын алды. 1993 жылы Парижде өткен Француз фортепьяналық музыкасының конкурсына жюри мүшесі ретінде қатысты.1994 ж. Г. Қадырбекова жеке концертпен Париж қаласына шақырылды. Австрияға, Францияға, Венгрияға, Кипрға, Ресейге және Қазақстан қалаларына концерттік сапармен шықты. Қазіргі кезде Г. Қадырбекова Құрманғазы атындағы Мемлекеттік консерваторияның арнаулы фортепиано кафедрасында профессор және К. Байсейітова атындағы музыкалық колледждің арнаулы фортепиано факультетінің деканы.