Гүлнар Ойратқызы Әбікеева

Гүлнар Ойратқызы Әбікеева
Туған күні	12 қаңтар 1962 (1962-01-12) (62 жас)
Туған жері	Алматы
Азаматтығы	Қазақ КСР  Қазақстан
Ұлты	Қазақ
Қызметі	кинотанушы, кино сыншы Қазақстан Киносыншылар қауымдастығының президенті
Марапаттары мен сыйлықтары

Гүлнар Ойратқызы Әбікеева (1962 жылы 12 қаңтарда Алматыда туған) — қазақстандық кинотанушы, киносыншы. Қазақстан Киносыншылар қауымдастығының президенті. Өнертану ғылымдарының докторы.

Толығырақ

• Гүлнар Ойратқызы 1962 жылы 12 қаңтарда Алматы қаласында туған. Қазақ.
• Әкесі - Әбікеев Ойрат Абдрахманұлы, кен инженері. Анасы - Әбікеева Ақан Қарғұлқызы, заңгер, судья.
• 1984 жылы Бүкілодақтық мемлекеттік кинематография институтының сценарий-кинотану факультетін кинотанушы мамандығы бойынша бітірген.
• 1992 жылы Бүкілодақтық мемлекеттік кинематография институтының аспирантурасын бітірген.

Шығармашылығы

• 1990 жылы Өнертану кандидаты. Кандидаттық диссертациясының тақырыбы: «Қазіргі заманғы кино үдерісіндегі Батыс пен ІІІығыс мәдениеттерінің өзара әрекеттесуі».
• 1998 жылы «Жаңа қазақ киносы» (1998), «Орталық Азия киносы. 1990- 2001» (2001), «The Heart of the World: Films from Central Asia» (2003), «Қазақстандағы және Орталық Азияның басқа елдеріндегі ұлттық құрылыс, және осы үдеріс кинематографта қалай көрініс табуда» (2006), «Киноплакат. Қазақстан» (2008) кітаптарының; Орталық Азияның ойын фильмдерінің «Орталық Азия киносындағы ұлттық өзін-өзі анықтаудың екі дәуірі: 60-шы және 90-шы жылдар» DVD топтамасына құрастырылған (2006), «Орталық Азияның деректі киносы: ұлттық өзіндік сананың қалыптасуының екі дәуірі» атты Орталық Азияның деректі фильмдерінің DVD топтамасына құрастырылған (2008) буклеттердің; кітаптар мен журналдардағы 50-ден астам, газеттер мен интернет-сайттардағы 200-ден астам мақаланың; «International Film Guide» үшін Қазақстан, Қырғызстан, Өзбекстан мен Тәжікстанның кинематографияларына шолудың; халықаралық кино сыншылары федерациясының FIPRESCI сайтындағы,британдық www.kinokultura.com сайтындағы, «Сіпетауа» үнді журналындағы, ресейлік «Искусство кино» және «Кинофорум» журналдарындағы мақалалардың авторы.
• Қазақ, орысжәне ағылшын тілдерін біледі.

Еңбек жолы

• 1984 жылдан «Қазақфильм» киностудиясының сценарийлік-редакциялық алқасының аға редакторы.
• 1987 жылдан Бүкілодақтық мемлекеттік кинематография институтының аспиранты (Мәскеу қ.).
• 1992 жылы «Азия кино» журналының бас редакторы.
• 1994 жылдан - Т. Жүргенов атындағы Қазақ мемлекеттік театр және кино институтының «Кино тарихы және теориясы» кафедрасының меңгерушісі.
• 1997 жылдан - «Сорос-Қазақстан» қорының «Мәдениет және өнер», «Бұқаралық ақпарат құралдарын қолдау» бағдарламаларының үйлестірушісі.
• 2001 жылдан - Фулбрайт стипендиаты,
• АҚШ-тың Болдуин колледжінің, Пистбург университетінің зерттеушісі және оқытушысы.
• 2002 жылдан - «Сорос-Қазақстан» қорының «Шығыс Батыс» бағдарламасының үйлестірушісі.
• 2003 жылдан - «АСТВ» телеарнасының бас продюсері (Астана қаласы).
• 2004 жылдан - «Орталық Азия кинематография орталығы» қоғамдың қорының директоры (Алматы қаласы).
• 2005 жылдан бері - «Еуразия» халықаралық кино байқауының арт-директоры.
• 2006-2008 жылдары - «Евразия кино» журналының бас редакторы.
• 2009 жылдың қаңтар айынан бері - «Территория кино» журналының бас редакторы.
• «Мегаполис» (2003-2005), «Начнем с понедельника» (2006-2008) газеттерінде кино туралы тұрақты айдарды жүргізген.

Марапаттары

• 1998 жылдан ҚР Кинематографистер одағының мүшесі.
• 2006 жылдан «ФИПРЕССИ» Халықаралық кино сыншыларының федерациясының мүшесі.
• 2007 жылдан НЕТПАК Азия кино сыншыларының қауымдастығының мүшесі.
• 2006 жылы "Қазақстан Парламентіне 10 жыл" медалі
• 2011 жылы елбасының жарлығымен "Ерен Еңбегі үшін" медалімен марапатталған.
• 2016 жылы Францияның Әдебиет және өнер орденінің кавалері атанды.

Жеке қасиеттері

• Діни көзқарасы - мұсылман.
• Саяси қайраткөр ретіндегі идеалы - М.Ганди.
• Қазақстанның болашағы туралы болжамы - «Қазақстан тұрақты дамып, Еуразиядағы маңызды геосаяси рөлді атқаратын болады».
• Хоббиі - әлем тағамдары.
• Сүйіп оқитын әдебиеті - А. Баррико, С. Рушди, Т. Манн,К. Оэ, Ю. Мисима, М.В. Льоса, Г. Маркес, О. Памук, М. Павич,Пу Сун-лин, А. Рой және тағы басқа.

Жеке өмірі

• Тұрмыс құрған. Жұбайы - Сәбитов Әлім Равильұлы, сәулетші.
• Қыздары - Белкина Дарья Олеговна, Әбікеева, Дана Олеговна.