Гүлнар Юсупқызы Саитова

Уикипедия — ашық энциклопедиясынан алынған мәлімет
Навигацияға өту Іздеуге өту

Гүлнар Юсупқызы Саитова (10.06.1952 жыл, Алматы облысы, Шелек ауданы, Шелек ауылы) - әртіс, ұйғыр. Өнертану ғылымының кандидаты (1995).

Әкесі - Саитов Юсупгмузыкант, дойыршы. Анасы - Машурова Тұрсынқыз Әбдірахманқызы, Қ. Қожамияров атындағы Мемлекеттік республикалық ұйғыр музыкалық комедия театрының (қазіргі Мемлекеттік Құдыс Қожамьяров атындағы ұйғыр музыкалық комедия театры) актрисасы.

Т. Жүргенов атындағы Қазақ мемлекеттік театр және кино институтының хореография режиссурасы факультетін бітірген (1999), режиссер-хореограф.

Кандидаттық диссертациясының тақырыбы: «ұйғыр сахна биі». «Шығыс биі» (2006) оқу құралының, ұйғыр би өнері тақырыбындағы 13 мақаланың авторы.

1971 жылдан - Қ. Қожамияров атындағы Мемлекеттік республикалық ұйғыр музыкалық комедия театрының балет әртісі. 1995 жылдан бері - Қ. Қожамияров атындағы Мемлекеттік республикалық ұйғыр музыкалық комедия театрының бас балетмейстері, Т. Жургенов атындағы Қазақ ұлттық өнер академиясының аға оқытушысы. Алматы қаласындағы ұлттық мектептерде ұйғыр биінің оқытушысы (1991 жылдан).

ҚазКСР Жоғарғы Кеңесінің Құрмет грамотасымен марапатталған (1985). «Ильхам» сыйлығының лауреаты (2005). Қазақстан Республикасының Еңбек сіңірген әртісі.

Ұлдары - Хасанов Әлішер (1972 ж. т.), режиссер-хореограф; Хасанов Бахтияр (1976 ж. т.), «Яшлық» ансамблінің музыканты.[1]

Дереккөздер[өңдеу | қайнарын өңдеу]

  1. Қазақстан Республикасында кімнің кім екені. Екі томдық анықтамалық. Алматы, 2011 жыл. ISBN 978-601-278-473-2