Гүлнәфис Баязитова (Сәбитова)

Уикипедия — ашық энциклопедиясынан алынған мәлімет
Jump to navigation Jump to search

Гүлнәфис Баязитова (Сәбитова) - (4.12.1917, Орынбор облысы Түзтөбе қ. - 7.5.1987, Алматы) - қобызшы, Қазақстанның халық артисі (1959). Жастайынан түрлі музыкалық аспаптарда ойнап, қазақ, татар, орыс әндерін айтады. Көркемөнерпаздар үйірмелеріне қатыса жүріп, Қазақ филармониясына қабылданады (1935). Л.Мүхитовтан домбыра тартуды, Ж.Қасымовтан қобызда ойнауды меңгереді. 1935 ж. қаңтар айында филармония құрамындағы Қазақ халық аспаптар оркестріне қабылданып, кейін ұзақ жылдар бойы оның жетекші концертмейстері міндетін атқарды. Жастар мен студенттердің 3-халықар. фестивалінің лауреаты (Бухарест, 1953). Халықтың әндері мен күйлерін, Қазақстан композиторлары мен Батыс Еуропа классиктерінің туындыларын оркестрдің сүйемелдеуімен орындай жүріп, өз алдына жеке қонцерттерде берді. Концерттік репертуарында "Былқылдақ", "Қараторғай", "Ақ Зейнеп", "Япурай", т.б. халықтық шығармалар мол болды. Баязитова қобызда ойнау өнерінің тәсілдерін байытып, дәстүрлі музыкалық аспаптың мүмкіндіктерін арттырды. "Еңбек Қызыл Ту" орденімен марапатталған.[1]

Дереккөздер[өңдеу]

  1. Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8