Давид Давидович Бурлюк

Уикипедия — ашық энциклопедиясынан алынған мәлімет
Jump to navigation Jump to search
Давид Давидович Бурлюк 1910 жылы

Давид Давидович Бурлюк (21.07.1882, Харьков губерниясы - 15.01.1967, Нью-Йорк штаты, Хэмптон-Бейз қаласы) – орыс ақыны, суретші.

Өмірі[өңдеу]

Балалық шағында туған ағасымен ойнап жүріп көз жанарынан айырылғандықтан, әйнек көзбен жүрген. 1898-1910 жылдар аралығында Казан және Одесса көркемсурет училищесінде оқыған. Сурет өнерін Германияда, Мюнхендегі «Король Академиясында» жұмыс істейтін профессор Вилли Дитцтан, Франциядағы «L’ecole des beaux arts» мекемесінде үйренген.

Отбасы[өңдеу]

Бурлюктың екі ағасы, үш әпкесі болған: Владимир, Николай, Людмила, Марианна және Надежда. Владимир мен Надежда – суретші, Николай – ақын болған.

Қызметі[өңдеу]

Бірінші дүниежүзілік соғыс кезінде Бурлюктың сол көзі болмағандықтан армияға жарамсыз деп танылған. Мәскеуде тұрып, өлеңдерін жарыққа шығарып отырған, газеттермен серіктес болған, сурет салған. 1918-1920 жылдары В.Каменский, В.Маяковскиймен бірге Урал, Сібір, Қиыр Шығысқа гастрольдік сапарға шығып отырған. 1920 жылы Шығыс мәдениетін үйреніп, сурет өнерімен шұғылдану үшін Жапонияға кетіп, 2 жыл тұрады. 1922 жылы АҚШ-қа көшеді. 1930 жылы ол «Color and Rhyme» («Цвет и рифма») атты журналдың негізін қалайды. Журнал 2 тілде: ағылшын және орыс тілдерінде жарық көреді. Нью-Йорк штаты, Хэмптон-Бейз қаласында 1967 жылы 15 қаңтарда қайтыс болады.

Дереккөздер[өңдеу]


Ортаққорда бұған қатысты медиа файлдар бар: Category:David Burliuk