Дай Чжень

Уикипедия — ашық энциклопедиясынан алынған мәлімет
Jump to navigation Jump to search

ДАЙ Чжень (1723-77) - қытайдың материалист-философы. Неоконфуцийлік натурфилософияның негізгі екі ұғымы - идеалдық "ли" мен материалдық "ци" ұғымдарының өзара қатынасы туралы сұраққа жауап бере келіп, Дай Чжень ци бірінше, ал ли екінші деп мәлімдеді. Дүние тұрақты даму мен қалыптасу процесінде болып табылады. Ол қозғалысты қарама-қарсы күштердің оңды ян және теріс инь (Инь және ян) күштерінің өзара істестігі деп түсіндірді. Олардың әрекеті жойылмайтын мәңгілік және табиғаттан бөлінбейді. Барлық құбылыстар мен заттар табиғи қажеттілікке бағындырылған. Түйсікті танымның негізі ретінде мойындай келіп, Дай Чжень "туа бітетін" білім болатынын теріске шығарды және жалпы қорытындыларды тәжірибе арқылы тексеру қажет екенін айтты. Өзінің қоғамдық-саяси көзқарастарында халықты азат ету оқу-ағартуды дамыту мен жеке адамның адамгершілік жағынан өзін-өзі жетілдіруіне байланысты деген тұжырым жасады.

Дереккөздер[өңдеу]

[1]

  1. "Қазақ энциклопедиясы" - Философиялық сөздік