Дала шалфейі

Уикипедия — ашық энциклопедиясынан алынған мәлімет
Jump to navigation Jump to search

Дала шалфейіеріндігүлділер тұқымдасына жататын жартылай бұта. Далалы жерлерде, құрғақ далалы ойпатты шалғында өседі. Көпжылдық шөптесін өсімдік. Олардың биіктігі 20-55 см. Сабаға бірнешеу болады, кейде сирек те болса жалғыз өседі, түзу, қысқа, жапыраға сопақша, жиегі тегіс немесе сәл өрнекпен иректелген, өркен бойына қарама-қарсы орналасады. Аталығының саны екеу, тостағанша және күлте жапырақшаларының саны бесеу, олар бір-бірімен бірігіп, қос ерін құрайды. Тостағаншалары бірігіп кеткен. Күлтесінің түсі жабайы өсетін түрлерінде қою сиякөк, ал гүлзарларындағы түрлерінде ашық қызыл. Аталық жіпшелерінің күлтеге бекінген жерінен сәл төменірек шырын жиналатын орны болады. Оны айнала түкті шеңбер қоршап жатады. Сондықтан дала шалфейінің гүлдеріне оларды тозаңдыра алатын жәндіктер ғана қонады. Аналығы екі жеміс жапырағынан тұрады, мойны қос тілімді. Мамырдан қыркүйекке дейін гүлдеп, жеміс салады. Гүлтәжі қою көк, 2-3 есе тостағаншадан ұзын, үстіңгі ернеуі орақша тәріздес иілген, сәл шұңқыр ұялы, төменгі тұсы үстіңгісінен 1,5 есе қысқа. Жемісінің дені қою қоңыр, дөңгеленген.

Дерккөздер[өңдеу]

"Күншығыс" энциклопедиясынан.