Дала қызы

Дала қызы
Дочь степей
Жанры	драма
Режиссёрі	Шәкен Айманов, Карл Гаккель
Сценарийдің авторы	Роман Фатуев
Басты рөлдерде	Зәмзәгүл Шәріпова
Операторы	Михаил Аранышев
Композиторы	Евгений Брусиловский
Кинокомпания	Қазақфильм
Мемлекет	КСРО
Тілі	орыс
Шыққан жылы	1954

«Дала қызы» — толық метражды көркем фильм. 1954 ж. Алматы көркем және хроника фильмдер студиясы шығарған.

Сюжеті

Қарапайым қазақ әйелінің батырақтан ғылыми қызметкерге дейін өткен жолы туралы.

Кеңес өкіметінің алғашқы жылдары. Ақтаңбай бай өз отарын шекарадан өткізуге шешеді. Алайда таудағы жасырын соқпақтар туралы шопан Малбағар ғана біледі. Сондықтан Ақтаңбай Малбағарға жетім Нұржамалды үйлендіргені үшін таудағы құпия жолды көрсетуін талап етеді. Шекараға барар жолда Малбағар, Нұржамалдың оған әйел болуға қаламайтыны туралы өтініштеріне құлақ салып, Нұржамалға Ақтаңбайдан қашуға көмектеседі.

Жылдар өтеді. Нұржамал, медициналық институтты бітіріп, туған ауылға оралады. Мұнда дәрігерлік қызметпен қатар, ол кейбір шөптердің емдік қасиеттерін қолдану проблемасын шешуге ұмтылады.

1941 жыл. Гитлер әскерінің шабуылы туралы хабар келеді. Нұржамал армияға жіберіледі, онда ол өзі ашқан дәріні жараларды емдеу үшін кеңінен қолданады. Соғыстың ауыр жылдары өтеді. Бұдан көп жыл бұрын келген медициналық институттың аудиториясында ол профессорлық кафедрадан студенттерге дәріс оқиды.

Рөлдерде

• Нұржамал — Зәмзәгүл Шәріпова
• Малбағар — Жағда Оғызбаев
• Ақтаңбай — Елубай Өмірзақов
• Кәрім — Нұрмұқан Жантөрин
• Мақсұт — Сейфолла Телғараев
• Қарашаш — Бибігүл Төлегенова
• Любовь Петровна — Валентина Харламова
• Бектас — Қапан Бадыров
• Гүлсара — Хадиша Жиенқұлова
• Зияда — Шолпан Жандарбекова
• Әлімхан — Камал Қармысов