Дар ойыны

Дар ойыны^[1] - керілген арқан үстінде көрсетілетін ойын-сауықтың Орта Азиядағы атауы.

Дар ойыны 15 ғасырда Батыс Еуропада жәрмеңке сай-қымазақтарының сауығы ретінде пайда болды. Дар ойыны Ресейде 18 ғасырдада тарай бастады. 19 ғасырда қазақ даласында дар ойынының кейбір элементтері үлкен жәрмеңкелерде көрсетіле бастады.

Ойынға қатысушыларды даршы деп атайды. Олар ұлттық мейрамдар мен маусымдық жәрмеңкелерде көпшілікке ойын-сауық көрсеткен. Даршы өнері ұрпақтан-ұрпаққа беріліп отырған. Ол аса ептілік пен жүректілікті және үздіксіз жаттығу мен машықтануды талап еткен. Даршылардың ойын көрсететін негізгі құралы - ұзын әрі жеңіл екі бөрене, сырық пен арқан болған. Кейде арқан орнына сым қолданған. Ойын түрі 30-ға дейін жетті. Даршылық өнер, әсіресе, Ферғана Бұхара, Қоқанда кең өріс алды. Кеңес заманында цирк өнерінің құрамдас саласы ретінде дар ойыны қайта туып, дамыды.^[2]

Дереккөздер[өңдеу | қайнарын өңдеу]

↑ Жолымбетов Ө.Ш., Құлназаров А.К., Спорт терминдерінің түсіндірме сөздігі. – Алматы, Қазақша-орысша, ISBN 9965-822-48-4
↑ Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8