Даяғашы

Уикипедия — ашық энциклопедиясынан алынған мәлімет
Jump to navigation Jump to search

Даяғашы - ат жарысында жол бойындагы белгіленген межелерде тұратын және бәйгеден озып келген атты тосып алатын арнайы тағайындалган адамдар тобы. Олар бәйге алатын жүйріктердің алдынан шауып, шылбырынан ұстап, ұрандап көмбеден өткізеді, әрі нешінші орында келгені туралы ат бәйгесін ұйымдастыру алқасына, халыққа куәлік етеді. Ерте дәуірлерде даяғашылардың қолында жүлделі орындарды әйгілейтін мөр басылған таңба-белгі болған. Оны ғұндар заманында пайзы немесе байса деп атаған деген дерек бар. Мұндай жора Алтын Орда мемлекеті дәуіріне дейін де жалғасын тапқан. Озған атқа орын белгілеп пайза үлестіру салты қазір моңғолдарда сақталып қалған.[1]

Дереккөздер[өңдеу]

  1. Қазақтың этнографиялық категориялар, ұғымдар мен атауларының дәстүрлі жүйесі. Энциклопедия. - Алматы: DPS, 2011. - ISBN 978-601-7026-17-2