Деви Рукмини

Рукмини Деви (29. 2. 1904 жылы)- үнді бишісі, қоғам қайраткері. Өнер академиясында (Калакшетрада) білім алып, «бхарат натьям» және катакхали сияқты үндінің би стильдерін үйренді. 1944 ж. Мадрас университетінің музыка бөлімін бітірді. Рукмини Девидің өшіп бара жатқан «бхарат натьям» биін қайта жандандырудағы рөлі өте зор. Ол бхарам нәсілінен шыға тұрып, бұл биді тұңғыш рет жұртшылық алдында биледі. 1926 ж. Рукмини Девидің орыс балеринасы А. П. Павловамен Австралияда кездесуі оның өнеріне елеулі ықпал жасады. Ол бірнеше балеттер қойды: «Кутрала Курванаджи» (1944),. «Сита Сваямварам» (1954), «Гита говинда» (1959) т. б. Рукмини Деви Үндістан республикасы парламентінің (1952 және 1956 ж. Мемлекеттік кеңес парламентінің), ЮНЕСКО және Үндістанның. ЮНЕСКО-мен қарым-қатынас жасау ұлттық комиссиясының мүшесі. 1956 ж. үндінің ұлттық билерін кең насихаттағаны үшін «Падма Бхушан» орденімен мараппаталып, 1957 ж. «бхарат натьям» биін үздік орындаушы деген сыйлық алды. Гастрольдік сапармен АҚШ пен Еуропада өнер көрсетті.