Дельтоид

Дөңес дельтоид (сол жақта) және дөңес емес дельтоид (оң жақта).

Дельтоид (көне грекше: δελτοειδής — дельта әрпіне ұқсас) — жапсарлас екі қабырғасы бір-біріне тең және қалған екі қабырғасы да өзара тең болған төртбұрыш.

Қасиеттері

Дельтоидтың қасиеттері

• Ұзындықтары бірдей емес қабырғалар арасындағы бұрыштар өзара тең.
• Диагональдары өзара перпендикуляр.
• Екі диагоналінің қиылысу нүктесі олардың біреуін қақ бөледі.
• Екінші диагональ түскен бұрыштарына биссектриса болады.
• Диагональдардың біреуі дельтоидты екі тең үшбұрышқа бөледі.

Дельтоидтың ауданын есептеу

$S={\frac {d_{1}d_{2}}{2}}$, мұнда $d_{1}$ және $d_{2}$ — диагональдардың ұзындықтары.

$S={ab\sin \alpha }$, мұнда $a$ және $b$ — тең емес қабырғалардың ұзындықтары, $\alpha$ — араларындағы бұрыш.