Денисов ауданы

Уикипедия — ашық энциклопедиясынан алынған мәлімет
Jump to navigation Jump to search
Қазақстан ауданы
Денисов ауданы
Елтаңбасы
Елтаңбасы
Әкімшілігі
Облысы

Қостанай облысы

Аудан орталығы

Денисовка

Ауылдық округтер саны

14

Ауыл саны

36

Әкімі

Ерлан Айтқұлұлы Жаманов[1]

Тарихы мен географиясы
Координаттары

52°26′24″ с. е. 61°44′24″ ш. б. / 52.44000° с. е. 61.74000° ш. б. / 52.44000; 61.74000 (G) (O) (Я)Координаттар: 52°26′24″ с. е. 61°44′24″ ш. б. / 52.44000° с. е. 61.74000° ш. б. / 52.44000; 61.74000 (G) (O) (Я)

Құрылған уақыты

1938 жыл

Жер аумағы

6,7 мың км²

Уақыт белдеуі

UTC+6:00

Тұрғындары
Тұрғыны

19 504[2] адам (2016)

Ұлттық құрамы

орыстар (38,63%)
қазақтар (27,48%)
украиндар (16,61%)
немістер (7,40%)
белорустар (2,94%)
татарлар (1,59%)[2]

Сандық идентификаторлары
Автомобиль коды

10

denisovka.kostanay.gov.kz

Қазақстан картасындағы Денисов ауданы

Денисов ауданы Қостанай облысының батыс бөлігіндегі әкімшілік бөлініс. Жер аумағы — 6,8 мың км². Аудан орталығы — Денисовка ауылы.

Жер бедері[өңдеу]

Аудан жері жазық, шығысқа қарай еңіс келетін Орал сырты үстірті мен Торғай Үстіртінің солтүстік тұсын алып жатыр. Кен байлықтарынан құрылыстық тас, әктас кездеседі.

Климаты, өсімдігі мен жануарлар дүниесі[өңдеу]

Климаты шұғыл континенттік. Қысы суық ызғарлы, жазы ыстық, құрғақ. Қаңтардағы ауаның орташа температурасы — -17…-18°С, шілдеде — 19…21°С. Жауын-шашынның жылдық орташа мөлшері — 250–300 мм. Басты өзендері: Тобыл, Әйет және оның салалары — Қарағайлыәйет және Қамыстыәйет. Тобыл өзенінде Жоғарғы Тобыл бөгені, Қамыстыәйет өзенінде Қамысты бөгені салынған. Ірі көлдері: Жақсы Алакөл, Светлое, Шыбындысор және Айқоныс. Ауданының жері, негізінен, қара және қызыл қоңыр топырақты, сортаң топырақтар да кездеседі. Өсімдігі жусан аралас қау мен селеу, бетеге аралас далалық шөптерден тұрады. Жануарлар дүниесінен қасқыр, түлкі, сарышұнақ, қосаяқ; құстардан қаз, үйрек, аққу, тырна, қызғыш, бозторғай, т.б. мекендейді.

Халқы[өңдеу]

Тұрғындар саны – 18 376 адам (2019). Ұлттық құрамы: қазақтар – 27,20%, орыстар – 39,43%, украиндар – 16,29%, немістер – 7,43%, беларустар – 2,86%, татарлар – 1,59%, башқұрттар – 0,91%, әзірбайжандар – 0,83%, басқа ұлт өкілдері –3,45%.

Әкімшілік бөлінісі[өңдеу]

36 елді мекен 12 ауылдық округтерге біріктірілген:

Шаруашылығы[өңдеу]

Ауыл шаруашылығына пайдаланылатын жер аумағы — 452,5 мың га, оның ішінде 329,7 мың га егістік, 116 мың га жайылым бар. Денисов ауданы арқылы батыстан шығысқа қарай Ақмола – Қарталы темір жолы, оңтүстік-батыстан солтүстік-шығысқа қарай Қостанай – Жітіқара темір жолы, сондай-ақ республикалық маңызы бар Қостанай – Рудный – Тобыл – Жітіқара автомобиль магистралі өтеді. Аудан ішіндегі елді мекендер автомобиль жолдары арқылы байланысқан.

Дереккөздер[өңдеу]

  1. Әкім аппараты. Денисов ауданы әкімдігінiн ресми интернет - ресурсы. Тексерілді, 7 желтоқсан 2016.
  2. a b 2016 жыл басына Қазақстан Республикасы халқының жекелеген этностары бойынша саны. Қазақстан Республикасы Ұлттық экономика министрлігі Статистика комитеті. Тексерілді, 21 қараша 2016.