Десант түсіру қарқыны

Десант түсіру қарқыны — белгілі бір уақыт өлшемінде десант түсіру ауданына түсірілген бөлімнің (бөлімшенің), жеке құрамының, әскери техника мен әуе десанты құрал-жабдықтарының мөлшерсапасы.

Десант эшелоны

Десант эшелонының саны берілген тапсырма мен түсіру ауданында қарсыластың қарсы әрекетін тосып жаткан десант әскерінің құрамына, түсірудегі ұрыс жүргізудің әскери-географиялық жағдайына, десанттан корғаныстың сипатына, сонымен қатар күштер мен десанттық көлік жабдықтарынын болуына байланысты. Теңіздегі десант операцияларында әскерлер бір, екі немесе бірнеше десанттык эшелондар құрамында түсіріледі. Әрбір десант эшелоны теңізбен жүріп ету кезінде бірыңғай жорық ретімен жүретін бірнеше десанттык жасактардан тұрады. Әуе-десант операциясындағы десант эшелондарының саны айтарлықтай дәрежеде десантты түсіру тәсілі мен көлік авиациясының болуына байланысты

Десантқа қарсы инженерлік мина

Қарсыластың теңіз жағалауына немесе көл жағасына, су қоймасына, шығанаққа десант түсіру, сондай-ақ су кедергілерін, соғысқа өту кезінде десант кемелерін, десант түсіру құралдарын, жүзгіш ұрыс машиналарын және басқа әскери техникасын жоюға арналған мина. Ол су түбіне қойылатын және зәкірлі болып бөлінеді. Басқа теңіз миналарына қарағанда жарылғыш заттар салмағының жеңілдігімен ерекшеленеді. Алғашқы миналар 1-4 м тереңдіктегі су кедергілер түбіне, екіншісі минаның су бетінен 0,3-1 м тереңге түскен кезінде терендігі 1-12 м суаттарда орнатылады. Олар десантка қарсы кедергілерді құру үшін қондырылады және суда зәкір минрепімен ұстап түрылады.