Мазмұнға өту

Джаред Кушнер

Уикипедия — ашық энциклопедиясынан алынған мәлімет

Джаред Кушнер
ағылш. Jared Corey Kushner
Джаред Кушнер
Лауазымы
Ту
Ту
 АҚШ президентінің аға кеңесшісі
20 қаңтар 2017 — 20 қаңтар 2021
Өмірбаяны
Партиясы Республикалық партия
Білімі Гарвард университеті
​Нью-Йорк университетінің Құқық мектебі
​Нью-Йорк университетінің Стерн бизнес мектебі
​Фриш мектебі
Дүниеге келуі 10 қаңтар 1981 (1981-01-10) (45 жас)
Ливингстон, Нью-Джерси, АҚШ
Әкесі Чарльз Кушнер
Анасы Иванка Трамп
Балалары Арабелла Роуз Кушнер, Джозеф Фредерик Кушнер және Теодор Джеймс Кушнер
өңдеу Үлгі құжаттамасын қараңыз

Джаред Кори Кушнер (ағылш. Jared Corey Kushner; 10 қаңтар 1981) — америкалық бизнесмен, девелоперлік компанияның және New York Observer газетінің иесі. Америкалық девелопер Чарльз Кушнердің ұлы, оған тиесілі Kushner Companies девелоперлік компаниясын басқарған. АҚШ-тың 45-ші және 47-ші президенті Дональд Трамптың қызы Иванка Трамптың жұбайы.

С 2017 жылғы 20 қаңтардан 2021 жылғы 20 қаңтарға дейін — АҚШ-тың 45-ші президенті Дональд Трамптың аға кеңесшісі болды.[1] Көптеген бақылаушылардың пікірінше, іс жүзінде 2015 жылдан бастап Трамптың сайлауалды науқанының менеджері және сенімді тұлғасы болған.[2]

Өмірбаяны

[өңдеу | дереккөзін өңдеу]

Джаред Кушнер 1981 жылы 10 қаңтарда Ливингстонда (Нью-Джерси штаты) дүниеге келген. Девелопер Чарльз Кушнердің үлкен ұлы. Еврей, ортодоксальды отбасында тәрбиеленген.

​Әкесінің ата-анасы Иосиф Кушнер (үйленгенге дейін Беркович) пен Раиса (Рая) Кушнер Новогрудок қаласында (Беларусь КСР) Холокосттан аман қалған,[2][3][4][5] олар 1945 жылы Будапеште үйленіп, 1949 жылы АҚШ-қа қоныс аударған. Кушнердің Джошуа есімді інісі және Николь мен Дара есімді екі қарындасы бар. Ол — Kushner Real Estate Group компаниясының иесі Мюррей Кушнердің жиені.

1999 жылы Нью-Джерси штатындағы Берген округінде орналасқан Фриш жекеменшік еврей мектебін бітіріп, Гарвард университетіне оқуға түсті. Хабад үйінің қолдауымен Fly Club клубына мүше болып сайланды.[6] 2003 жылы Гарвард университетін мемлекеттік басқару саласы бойынша бакалавр дәрежесімен тәмамдады. 2007 жылы Нью-Йорк университетін бітіріп, құқық бакалавры және іскерлік әкімшілендіру магистрі (MBA) дәрежелерін алды. Америкалық журналист Дэниэл Голден Кушнердің әкесі ұлы оқуға түсер алдында университеттерге ірі көлемде қайырымдылық қаражат аударғанын жазды.[7] Манхэттен округтік прокуроры Роберт Моргентаудың кеңсесінде тағылымдамадан өтті.[8]

Бизнесі

[өңдеу | дереккөзін өңдеу]

​Гарвардта оқып жүрген кезінде-ақ жылжымайтын мүлік саласында мәмілелер жасап, 20 млн доллар пайда тапқан.[9] 2004 жылы оның әкесі бірқатар айыптар бойынша (соның ішінде салық төлеуден жалтару) тұтқындалып, екі жылға бас бостандығынан айырылды.[10]

​2006 жылы 10 млн долларға New York Observer газетін сатып алды.[11] Vanity Fair басылымының мәліметінше, газет сайтының аудиториясы (2013–2016 жылдар аралығында) айына 1,3 млн-нан 6 млн бірегей келушіге дейін өскен.[12]

​2008 жылы Kushner Properties девелоперлік компаниясының атқарушы директоры болды. Офистік және тұрғын үй ғимараттарымен бірнеше ірі операциялар жасады (соның ішінде Манхэттендегі Бесінші авенюде орналасқан, Tishman Speyer компаниясына тиесілі болған 41 қабатты «666 үй» офистік ғимаратын 1,8 млрд долларға сатып алуы бар).[13]

​2019 жылы Бильдерберг клубының конференциясына қатысты.[14]

Саясаты

[өңдеу | дереккөзін өңдеу]
Кушнер (сол жақта) Трамптар отбасымен бірге, 2016 жыл

Әкесі бұрын Демократиялық партияның демеушісі болғанына қарамастан, Кушнер Дональд Трамп үміткер ретінде ұсынылғаннан кейін оның 2016 жылғы президенттік сайлау науқанына белсене қатысты. Ресми лауазымды иеленбесе де, көптеген бақылаушылардың пікірінше, Кушнер іс жүзінде (де-факто) сайлау науқанының менеджері, Трамптың бас кеңесшісі әрі сенімді тұлғасы болды, сонымен қатар оның сөйлейтін сөздерінің мәтінін жазды.[2] Хиллари Клинтонды жаппай қолдаған дәстүрлі БАҚ пен телеарналарға қарсы тұру үшін, Кушнер халыққа тікелей шығу мақсатында Трампты қолдау науқанын интернет пен әлеуметтік желілерде ұйымдастырды.[12]

2016 жылдың жазында Кушнерге тиесілі газеттің журналисі Трамптың твиттердегі жазбаларының бірін «антисемиттік» деп атады.[15] Кушнер бұған жауап ретінде көлемді ашық хат жазып, онда Екінші дүниежүзілік соғыс кезінде немістер басып алған Кеңестік Белоруссияның Новогрудок қаласындағы геттодан қашып шығып, ағайынды Бельскийлердің партизандық жасағына қосылған еврей ата-бабалары туралы баяндады. Кушнер Трампқа тағылған нәсілшілдік пен антисемитизм айыптарын теріске шығарып, оны қызының иудеймен некесін жылы қабылдаған «толерантты адам» деп атады. Кушнер журналистерге қарағанда қайын атасын жақсырақ танитынын атап өтті. Оның пікірінше, көптеген БАҚ Трамптың сөздеріне шүйлігіп, оны негізсіз айыптап, карикатуралық бейнеде көрсету арқылы соңына түскен.[16]

​Ол АҚШ президентінің аға кеңесшісі лауазымын атқарды. Палестина-Израиль қақтығысын реттеуге бағытталған «Ғасыр мәмілесі» жобасын дайындауға жетекшілік ете отырып, АҚШ-тың Израильмен қарым-қатынасын үйлестірді.[17] 2020–2021 жылдары Кушнердің басшылығымен «Ибраһим келісімдері» — Израиль мен бірқатар араб мемлекеттері арасындағы қарым-қатынасты қалыпқа келтіру туралы келісімшарттар сериясы жасалды.[18][19][20]

​Сондай-ақ оның міндеттеріне АҚШ-тың қылмыстық құқық жүйесін реформалау, Америкалық инновациялар басқармасын басқару, ардагерлерді әлеуметтік қолдау реформасы және АҚШ федералды үкіметін жаңарту істері кірді.[21]

Жеке өмірі

[өңдеу | дереккөзін өңдеу]

​2009 жылғы 25 қазанда Кушнер АҚШ-тың болашақ президенті Дональд Трамптың қызы Иванка Трампқа үйленді. Үйлену тойы ортодоксальды иудаизм дәстүрімен өтті, Иванка Трамп некеге дейін иудаизм дінін қабылдады.[22] Олардың үш баласы бар: қызы Арабелла Роуз 2011 жылғы шілдеде,[23] ұлдары — Хосеф Фредерик 2013 жылғы қазанда[24] және Теодор Джеймс 2016 жылғы наурызда дүниеге келді.[25] Джаред пен оның отбасы заманауи ортодоксальды еврейлер болып табылады және шаббатты ұстанады.[26][27]

Әдебиет

[өңдеу | дереккөзін өңдеу]

Дереккөздер

[өңдеу | дереккөзін өңдеу]
  1. ↑ Трамп назначил старшим советником своего зятя Джареда Кушнера  (орыс.), Русская служба Би-би-си (10 января 2017).
  2. 1 2 3 Гуткин, Михаил Джаред Кушнер: зять и советник с белорусскими корнями (орыс.). Голос Америки. (14 қаңтар 2017). Басты дереккөзінен мұрағатталған 1 мамыр 2017. Тексерілді, 27 мамыр 2017.
  3. ↑ Еврейское счастье: белорусская история родственников Трампа. Басты дереккөзінен мұрағатталған 18 шілде 2017. Тексерілді, 27 мамыр 2017.
  4. ↑ Rudnik, Alesia What Does Trump's Presidency Mean for Belarus? (ағыл.). Belarus Digest. (18 қараша 2016). Басты дереккөзінен мұрағатталған 12 мамыр 2017. Тексерілді, 27 мамыр 2017.
  5. ↑ Rice, Andrew. The Young Trump: Jared Kushner's Rise to Unimaginable Power (8 қаңтар 2017).
  6. ↑ Jared Kushner’s college rabbi recalls a snow-shoveling student mega-donor (ағыл.). Jewish Telegraphic Agency. (27 қаңтар 2017). Басты дереккөзінен мұрағатталған 29 мамыр 2020. Тексерілді, 24 қаңтар 2020.
  7. ↑ Golden D. The Price of Admission: How America’s Ruling Class Buys Its Way into Elite Colleges — and Who Gets Left Outside the Gates Мұрағатталған 14 қарашаның 2016 жылы.. Crown/Archetype. ISBN 9780307497376.
  8. ↑ Sherman G. The Legacy Мұрағатталған 3 қаңтардың 2015 жылы.. New York. July 12, 2009.
  9. ↑ Widdicombe L. Ivanka and Jared’s Power Play Мұрағатталған 7 қазанның 2016 жылы.. The New Yorker. August 22, 2016
  10. ↑ Clarke K. Jared Kushner, the accidental CEO Мұрағатталған 15 қарашаның 2016 жылы.. The Real Deal. February 1, 2014.
  11. ↑ Seelye K. Developer’s Son Acquires The New York Observer Мұрағатталған 4 шілденің 2017 жылы.. The New York Times. July 31, 2006.
  12. 1 2 Was Donald Trump’s Son-in-Law the Evil Genius All Along? Мұрағатталған 30 қазанның 2016 жылы. Vanity Fair. October 27, 2016.
  13. ↑ Piore A. Behind the record deal for 666 Fifth Avenue Мұрағатталған 15 қарашаның 2016 жылы.. The Real Deal. October 22, 2007. A Big Deal, Even in Manhattan: A Tower Goes for $1.8 Billion Мұрағатталған 23 сәуірдің 2019 жылы.. BAGLI, CHARLES V. (December 7, 2006).
  14. ↑ Конспирологи переоценивают Бильдербергский клуб. Это не значит, что у него нет влияния Мұрағатталған 4 қарашаның 2021 жылы. // Би-Би-Си, 30 мая 2019
  15. ↑ Schwartz D. An Open Letter to Jared Kushner, From One of Your Jewish Employees Мұрағатталған 24 қыркүйектің 2017 жылы.. New York Observer. 5 July 2016.
  16. ↑ Kushner J. Jared Kushner: The Donald Trump I Know Мұрағатталған 6 шілденің 2016 жылы.. New York Observer. 6 July 2016.
  17. ↑ СМИ: Кушнер отправляется в Израиль и арабские страны для обсуждения "сделки века" (орыс.). ТАСС. Басты дереккөзінен мұрағатталған 22 шілде 2019. Тексерілді, 24 қаңтар 2020.
  18. ↑ Абдуллаев 2024, p. 45.
  19. ↑ Костенко и Морозов 2024, p. 46.
  20. ↑ Эпштейн 2024, p. 24–27.
  21. ↑ Зять Трампа, миллионер, советник, филантроп: кто такой Джаред Кушнер (орыс.). ТАСС. Басты дереккөзінен мұрағатталған 4 тамыз 2018. Тексерілді, 24 қаңтар 2020.
  22. ↑ Ivanka Trump’s rabbi and the state of relations between Israel and American Jews. Басты дереккөзінен мұрағатталған 12 қараша 2016. Тексерілді, 12 қараша 2016.
  23. ↑ Ivanka Trump Gives Birth to Daughter (ағыл.). PEOPLE.com. Басты дереккөзінен мұрағатталған 3 ақпан 2019. Тексерілді, 24 қаңтар 2020.
  24. ↑ It's a Boy! Ivanka Trump, Jared Kushner Welcome Second Child (ағыл.). Us Weekly. (15 қазан 2013). Басты дереккөзінен мұрағатталған 15 қазан 2013. Тексерілді, 24 қаңтар 2020.
  25. ↑ Trump Dynasty Grows as Ivanka Gives Birth (ағыл.). NBC News. Басты дереккөзінен мұрағатталған 12 ақпан 2020. Тексерілді, 24 қаңтар 2020.
  26. ↑ Emma Green Ivanka Trump, the Jewish Daughter of David Duke's Favorite Candidate for President (ағыл.). The Atlantic. (4 қыркүйек 2016). Басты дереккөзінен мұрағатталған 29 наурыз 2017. Тексерілді, 24 қаңтар 2020.
  27. ↑ Caroline Hallemann Jared Kushner Used a Private Email Account for White House Business (ағыл.). Town & Country. (25 қыркүйек 2017). Басты дереккөзінен мұрағатталған 22 қазан 2019. Тексерілді, 24 қаңтар 2020.
«https://kk.wikipedia.org/w/index.php?title=Джаред_Кушнер&oldid=3605789» бетінен алынған