Джаред Падалеки

Уикипедия — ашық энциклопедиясынан алынған мәлімет
Jump to navigation Jump to search
Джаред Тристан Падалеки
Jared Tristan Padalecki
Сурет
Жалпы мағлұмат
Туған күні

19 шілде 1982(1982-07-19) (37 жас)

Туған жері

Сан-Антонио, Техас, АҚШ

Азаматтығы

 АҚШ

Мамандығы

актер

Белсенді жылдары

1999 — қазіргі уақыт

IMDb

ID 0010075

Джаред Тристан Падалеки (ағылш. Jared Tristan Padalecki; 19 шілде 1982 жыл, Сан-Антонио, Техас) — америкалық әртіс. «Supernatural», «Gilmore Girls» телесериалдарындағы рөлдерді сомдағаннан кейін танымал болды.

Өмірбаяны[өңдеу]

Джаред Падалеки 1982 жылы 19 шілдеде Сан-Антониода (Техас, АҚШ) Джеральд Падалеки отбасында дүниеге келеді. Әкесі – бухгалтер, анасы - Шерон Кэммер, мұғалім[1]. Оның ағасы Джеффри – хирург және қарындасы - Мэган. 12 жасынан бастап Джаред әртістік шеберлікке үйрене бастады. Ол Сан-Антониодағы Джеймс Мэдисон мектебінде білім алды. 1999 жылы «Claim To Fame» конкурсын ұтып алып, Teen Choice Award премияларына иеленуге мүмкіндіктер пайда болды. 2000 жылы мектеп бітіргеннен кеін Джаред әртістік мансабын жалғастыру үшін Лос-Анджелеске (Калифорния) көшіп кетеді[2].

Мансабы[өңдеу]

«Жұлдыздар шайқасы» фильмінде Энакин Скайуокер рөлінің тыңдалымына қатысты[2]. Джаред Падалекидің әртістік жұмысы 1999 жылғы «A Little Inside» фильмінде қосымша рөлді ойнағаннан басталды. 2000 және 2005 жылдар аралығында «Gilmore Girls» танымал телесериалында Дин Форестер рөлін сомдаған болатын. Ал 2000-2003 аралығында «Үнсіз куәгер» (2000), «Үйге жақын» (2001), «Шексіз түсті сақина» (2002), «Жас Макгайвер» (2003) секілді фильмдерге түседі. 2003 жылы Джаред «Cheaper by the Dozen» комедиясында кішкене рөл ойнаса да, атауларда көрсетілмейді. 2004 жылы Мэри-Кейт және Эшли Олсеннің «New York Minute» Трей Липтонның рөлін сомдады, сонымен қатар «Flight of the Phoenix» триллеріне түсті. 2005 жылы екі бірдей - «Cry Wolf» пен «Балауыз мүсіндер үйі» қорқынышты фильмдерінде рөл сомдайды. Бұл түсірілімдерге Элиша Катберт, Чад Майкл Мюррей, Пэрис Хилтон қатысқан болатын. Сол жылы Джаред Warner Brothers компаниясының «Supernatural» телесериалындағы Сэм Винчестер рөліне кастингтен өткен болатын. Бұл түсірілім сәтті өтіп, оның жанкүйерлер саны өсті.

2007 жылы Майкл Кампустың «Thomas Kinkade's Home for Christmas» фильмінде Джаредпен қатар Питер О’Тул түскен болатын. Падалеки табысты американдық суретшілердің бірі Томас Кинкейдтің рөлін сомдады. Фильм Кинкейдтің өмірі мен «Thomas Kinkade's Home for Christmas» деп аталатын суреті жайында баяндайды. Және де болашақта Томас Кинкейд туралы екі фильм түсіру жоспарлануда. Бірақ бұл фильде оның басқа суреттері мен өмірінің өзге қырлары сипатталады[3].

2009 жылы Джаред Майкл Бэйдің «Friday The 13th» фильмінде бірнеше айлар бұрын жоғалып кеткен қарындасын\апасын іздеген Клэй Миллер - басты рөлін сомдады.

Айта кетерлік жағдай, Джаред Падалекиді Эштон Кутчердің арқасында пайда болған MTV «401-бөлме» телеарнасындағы жаңа реалити-шоудың жүргізушісі болуға шақырды. Шоудың негізгі идеясы ештеңеден күдіктенбеген қатысушылар соңында әзіл болып шығатын жаман жағдайларға тап болады.

Жеке өмірі[өңдеу]

2010 жылы 27 ақпанда Джаред Падалеки Женевьев Кортезе киноәртісіне үйленеді[4][5]. 2011 жылы қазан айында олар тұңғыш сәбиді күтіп жүргенін жариялайды[6][7]. 2012 жылы 19 наурызда ұлы — Томас Колтон Падалеки дүниеге келеді[8][9][10]. 2013 жылы 22 желтоқсанда екінші ұлы - Остин Шепард "Шеп" Падалеки дүниеге есігін ашады[11]. Қазіргі кезде ерлі-зайыптылар жақын достық қатынасты сақтаған Дженсен Эклс отбасына жақын орналасқан Техас штатындағы Остинде тұрып жатыр.

Фильмография[өңдеу]

Жыл Шын атауы Рөлі
1999 A Little Inside Мэтт Нельсон
2000 Silent Witness Сэм
2000—2005 Gilmore Girls Дин Форестер
2001 ER Пол Харрис(сезон 7, эпизод 10)
2001 Close to Home ...
2002 A Ring of Endless Light Закери Грей
2003 Young MacGyver Клэй МакГайвер
2003 America’s Next Top Model Камео
2003 Cheaper by the Dozen хулиган
2004 New York Minute Трей Липтон
2004 Flight of the Phoenix Дэвис
2005 House of Wax Уэйд
2005 Cry Wolf Том
2005-2015 Supernatural Сэм Винчестер
2007 House of Fears J.P.
2008 Thomas Kinkade's Home for Christmas Томас Кинкейд
2009 Friday the 13th Клэй Миллер

Марапаттары[өңдеу]

  • 2003 жылы Джаред Падалеки «Gilmore Girls» телесериалдарындағы рөлі үшін «Драмалық әртіс» категориясының Teen Choice Award премиясына;
  • 2005 жылы Үлгі:Балауыз мүсіндер үйі фильміндегі рөлі үшін Teen Choice Award премиясына[12];
  • 2007 жылы «Supernatural» телесериалындағы Сэм Винчестердің рөлі үшін тағы да «Драмалық әртіс» категориясының Teen Choice Award премиясына иеленді.

Дереккөздер[өңдеу]

  1. www.poland.us
  2. a b TV.com, Trivia
  3. Jared Padelecki fan site
  4. Godwin, Jennifer, Jared Padalecki and Genevieve Cortese Are Engaged, EOnline.com, 6 Jan 2010. Accessed 14 Feb 2009.
  5. Kubicek, John, Notes from the Supernatural 100th episode party, BuddyTV.com, 2 February 2010. Quote: «Jared Padalecki talking sweetly about his recent engagement to former co-star Genevieve Cortese» Accessed 14 February 2010.
  6. Твиттер
  7. Lainey’s Entertainment Update — Celebrity Gossip
  8. Eng, Joyce. Supernatural's Jared Padalecki Welcomes a Son, TV Guide (March 20, 2012). Тексерілді 20 наурыздың 2012.
  9. Твиттер
  10. Jared Padalecki Names Newborn Son Thomas Colton!, US Weekly (March 21, 2012).
  11. Sarah Michaud Jared Padalecki Welcomes Second Son  (ағыл.). Moms & Babies – Celebrity Babies and Kids - Moms & Babies (23-12-2013). Тексерілді, 24 желтоқсан 2013.
  12. IMDb.com Jared’s Awards

Сыртқы сілтемелер[өңдеу]