Джеймс Майер Ротшильд
| Джеймс (Якоб) Майер Ротшильд | |
| нем. Jakob Mayer Rothschild фр. James Mayer de Rothschild | |
 | |
| Туған күні | |
|---|---|
| Туған жері | |
| Қайтыс болған күні | |
| Қайтыс болған жері | |
| Азаматтығы | |
| Қызметі |
банкир, өнер коллекционері, кәсіпкер |
| Әкесі | |
| Анасы | |
Джеймс (Якоб) Майер Ротшильд (15 мамыр 1792 – 15 қараша 1868) — Майер Амшель Ротшильдтің ұлдарының ішіндегі кенжесі,[1] банкир әрі кәсіпкер.[2][3]
Өмірбаяны
[өңдеу | дереккөзін өңдеу]1812 жылы жас Джеймс Парижде «MM. de Rothschild Frères» («Ротшильд ағайындылар») фирмасын ашты.
Қызметінің бастапқы кезеңінде Джеймс Ротшильд Парижде ағасы Натанның агенті ғана болды. Уақыт өте келе ол әулеттік банктің қаржылық істеріне тереңірек қанығып, ірі мемлекеттік қарыздар мен өнеркәсіптік кәсіпорындардың жобаларына дербес қатыса бастады. Ол Бурбондар әулетімен тез арада жақсы қарым қатынас орнатты. Шілде революциясының нәтижесінде Бурбондар биліктен тайдырылғаннан кейін де жас банкир буржуазиялық король Луи Филипппен байланыс орната алды.
Джеймс іскерлік жағынан ең табыстысы болды, ал 1836 жылы ағасы Натан қайтыс болғаннан кейін Ротшильдтер әулетінің ісін басқару соның қолына өтті. Ол бауырлары мен жиендерін «өнеркәсіптік революция дәуіріне» енгізді. XIX ғасырдың 1830–1840 жылдары Джеймс ауқымды инвестициялық жобаларды қаржыландырды, соның ішінде Париж маңында және Францияның солтүстігінде теміржол желісін салу болды. Оның банкі Францияның Ұлттық банкіне ақша айналымындағы дағдарысты еңсеруге көмектесіп, шығарылатын ақшаның алтынмен қамтамасыз етілуі үшін жеткілікті мөлшерде алтын ұсынды.
Ротшильдтердің кейінгі ұрпағы оны «Ұлы барон» деп атаған. Оның басты әуестігі картиналар мен басқа да өнер туындыларын жинау болды. 1853–1856 жылдардағы Қырым соғысы кезінде Джеймс Майер Ротшильд Палестинадағы еврей қауымына көмек көрсетіп, Иерусалимде алғашқы заманауи еврей медициналық орталығын — Майер Ротшильд атындағы аурухананы салдырды. Сонымен қатар ол Палестинадағы жесірлерге көмек көрсету қорын құрып, сол жерде кәсіби училище ашты және босқындарға арналған әлеуметтік үйлер салғызды.
Ширек ғасырдың ішінде Джеймс Франциядағы ең бай адамдардың бірі болып, байлығы жағынан тек корольден ғана кейін тұрды. Оның клиенттері Еуропа монархтары болды, олардың дәулеті Ротшильдтердің араағайындығы арқылы едәуір артқан.
1824 жылғы 11 шілдеде Ротшильд өзінің жиені Бетти Ротшильдке үйленді. Олардың бес баласы болды: Шарлотта (1825), Майер Альфонс (1827), Густав Самуэль (1829), Саломон Джеймс (1835) және Эдмунд Бенджамин (1845).
Джеймс Майер Ротшильд 1868 жылғы 15 қарашада қайтыс болып, Пер-Лашез зиратына жерленді. Ол дүние салғаннан кейін «Кёльнише цайтунг» газеті: «Ол Парижге бір миллион франкпен келіп, артында екі миллиард франк көлеміндегі байлық қалдырды» деп жазды.
Әдебиеттер
[өңдеу | дереккөзін өңдеу]- Лотман Г. Ротшильды — короли банкиров. / пер. с англ. А. Н. Гордиенко. — Минск: Интердайджест, 1997. — 352 с. — ISBN 985-10-0004-3.
Дереккөздер
[өңдеу | дереккөзін өңдеу]- ↑ This day, May 15, in Jewish history. Cleveland Jewish News. Басты дереккөзінен мұрағатталған 19 мамыр 2014. Тексерілді, 18 мамыр 2014.
- ↑ Niall Ferguson, The House of Rothschild (1999) p 87ff.
- ↑ Muhlstein (1983)