Джеймс Стюарт, Морей графы

Уикипедия — ашық энциклопедиясынан алынған мәлімет
Jump to navigation Jump to search

Джеймс Стюарт
Өмірбаяны
Дүниеге келуі 1499 жыл(1499)
Қайтыс болуы 1544 жыл(1544)
Әкесі Яков IV
Анасы Janet Kennedy
Жұбайы Элизабет Кэмпбелл

Джеймс Стюарт (ағыл. James Stewart; 14991544), Морей графы (1501 ж. бастап) — шотландық барон, король Яков IV мен оның көңілдесі Дженет Кеннедидің некесіз туған ұлы.

1526-1528 жылдары Морей шотландтық барондардың король Яков V-ны Ангус графының билігінен босату қозғалысына белсене қатысты. Яков V-нің тәуелсіз билігі кезінде Морей, шын мәнісінде, патшаны, қандас бауырын қолдайтын жалғыз ірі шотланд бароны болды: Яков V тұтастай ақсүйектерді біртіндеп әкімшілікті басқарудан шеттетті және жерлерді конфискациялады. Джеймс Стюарт елдің солтүстік аймақтарында тәртіпті сақтауға жауапты болды және орталық билікке қарсы тау кландарының толқуларын бірнеше рет басты. 1542 жылы корольдің қандас бөлесі Хантли графын алып тастағаннан кейін, Морей Англиямен соғыс кезінде король әскерінің қолбасшысы болып тағайындалды. Алайда, бұл соғыс Солуэй-Моссе апаты мен король Яков V-нің қайтыс болуымен аяқталды.

Королева Мария Стюарттың кәмелет жасына толмаған кезеңінде Морей регенттік кеңестің мүшесі болды және кардинал Битонның профранцуздық саясатының жақтаушысы болды.

Отбасы[өңдеу]

3-ші Аргайл графының қызы Элизабет Кэмпбеллге үйленді. Жалғыз қызы - леди Мэри Стюарт - 3-ші Бьюкен графының ұлы (1-шы Бьюкен графының немересі)., Джон Стюартқа (1547 ж.қай.) тұрмысқа шықты.

Морей графы қайтыс болған соң жесірі 11-ші Сазерленд графына тұрмысқа шықты.