Джемсонит

Джемсонит – сульфидтер класының минералы. Хим. формуласы ±∑Рb4Sb6S14. Моноклиндік сингонияда кристалданады. Шашыраңқы сәуле, баған, призма пішінді агрегаттар түзеді. Түсі сұрдан қараға дейін, металша жылтыр. Қатт. 2 – 3, менш. салм. 5,5 – 6 г/см3, морт сынғыш. Д. гидротермальдық кендерде пирит, пирротин, сфалерит, т.б. сульфидтермен бірге кездеседі. Қорғасын мен сүрменің қосымша кентасы. Ағылшын минералогы Р.Джеймсонның құрметіне аталған.