Дженни Герхардт
| Дженни Герхардт | |
| Авторы | Теодор Драйзер |
|---|---|
| Жанры | роман |
| Түпнұсқасы | |
| Тілі | ағылшынша |
| Атауы | Jennie Gerhardt |
| Қазақша басылым | |
| Баспасы | Harper |
өңдеу  |
|
Дженни Герхардт – америкалық жазушы Теодор Драйзердің екінші романы. 1911 жылы алғаш жарыққа шықты.
Тарихы[өңдеу | қайнарын өңдеу]
Теодор Драйзер бұл романды жазуды 1901 жылдан бастап қолға алды. Сюжеттің басты желісінде оның әпкесі Мэридің өмірінен алынған оқиғалар сипатталады.
Оқиға желісі[өңдеу | қайнарын өңдеу]
Басты кейіпкер, Огайо штатының Колумбус қаласында кедей отбасынан шыққан Дженни Герхардтты ауқатты әрі беделді кісі, сенатор Брэндер ұнатып қалады. Ол Дженниге үйленбекші болады, әрі оның кедей ата-анасына қол ұшын созғысы келеді. Дегенмен уақыт өте келе, тағдырдың тауқыметімен Брэндер аурудан қайтыс болады. Ал сенатордан жүкті болып қалған Дженнидің ақымақтығын қоршаған адамдар мен әкесі кінәлайды.
Дженни баласын өмірге әкелгеннен соң Кливленд қаласына көшіп, бай отбасының күтушісі ретінде жұмысқа орналасады. Жақын арада ол ірі өнеркәсіп иесінің баласы , Лестер Кейнмен танысады. Екеуі бір-біріне ғашық болып қалады бірақ Лестердің Дженниге үйленгісі келмейді. Олар бірге Чикаго қаласына көшіп салтанатты үйде өмір сүреді. Өте келе, халық Дженнидің бұрыңғы өмірі және олардың үйленбегендігі жайлы құпияны біледі. Лестердің әкесі қайтыс болардың алдында мүлкін мұраға қалдырар кезде Лестер оған тек Дженнимен айырылысқанда ғана ие болатынын айтады.
Лестер ешқандай шешім қабылдай алмай, ұзақ уақыт бойы ойланып жүргенде оның ағасы Роберт Дженниге әкесінің өсиеті туралы хабар жолдайды. Бұл жағдайдан соң, Дженни өз бақытын Лестердің жолында құрбан етуге бел буып, Лестерді айырылысуға көндіреді. Араға уақыт салып, Лестер өзімен бірдей дәрежеге ие бұрынғы танысы Летти Джеральдқа үйленеді.
Кейінірек Дженнидың сенатор Брэндерден туылған қызы аурудан көз жұмып, Дженниге үлкен қайғы алып келеді. Жылдар өткен соң Лестер төсек тартып, жатып қалады. Бұл уақытта оның әйелі шетелде жүргендіктен ол Дженниді жанына келуін сұрайды. Дженни күні-түні оның қасында болып, күтіп-баптайды. Лестер енді ғана Дженниге өз сезімін білдіреді. Бірнеше күннен соң Лестер қаза табады. Ал Дженни оның жерлеу рәсіміне жасырын түрде қатысады.
Экранизация[өңдеу | қайнарын өңдеу]
- Режиссеры Мэрион Геринг "Дженни Герхардт" фильмі 1933 жылы 9 маусымда жарық көрді.