Джованни Пико делла Мирандола

Уикипедия — ашық энциклопедиясынан алынған мәлімет
Навигацияға өту Іздеуге өту
Джованни Пико делла Мирандола(1463-1494жж.)
Джованни Пико делла Мирандола(1463-1494жж.)

Джованни Пико делла Мирандола (1463-1494жж.) – 24 ақпан күні граф Мирандоланың жанұясында дүниеге келеді. 14 жасынан бастап итальяндық және шет ел университеттерінде жүйелі білім ала бастайды. 1477-1479жж. Балонда канондық құқықты, Феррарда тіл білімін, Падуя мен Павийде философияны оқиды. Онда 1484 жылға дейін қосымша грек тілін үйренумен болды. 1484 жылды Пико Флоренцияда өткізіп, Марсилио Фичино, Анджело Полициано, Джироламо Бенивьени, Лоренцо Медичи деген платондық академияның бас мүшелерімен достасты. Бұл достастық Жас философ-гуманистің платонизм мен неоплатонизмге қызығушылығын туғызып, алғашқы жазбаларында көрініс табады. 1485-1486 жж. Париж университетінде білім алып, кейін Италияға қайтысымен шығыс шығыс философиясы және араб, халдей, еврей тілдерін меңгеруді тереңдете түседі.1486ж.-аяғында Пиконың, оған үлкен даңқ әкелген, бірқатар философиялық шығармалары жарық көреді. Философтың өнер жолындағы есею кезеңі қысқа болды. Ол 1494 ж. 17- қарашада ауыр сырқаттан қайтыс болады.Бірақ, артынан қалдырған ізі өте жемісті, 1489 ж. <<Гептапл>> аталатын философиялық-теологиялық еңбегі, 1492 ж. <<Бар және бір туралы>> шығармасы, 1494 ж. <<Құдайы астрологияға қарсы пікір>> атты шығармалары жазылады. Оның ғылыми мақсаты – әр түрлі діндер мен философиялық жүйелерден саралап алынған жалғыз шындықты табу болды. <<Философиясыз – адам жоқ>> деген пікірде болған ол, философия санаулы адамдардың ісі емес, баршаға бірдей деген тұжырымға келеді. <<Адамның қасиеті туралы>> кітабында ойшылдың әлдебір оқу жүйесіне немесе мектеп көзқарастарына тәуелсіз, философиялық немесе дінтану машақаттарына түсініктеме беру құқығы барын дәлелдейді.

Дереккөздер[өңдеу | қайнарын өңдеу]

<<Эстетика ренессанса>>, Мәскеу <<Искусство>>, 1981ж.