Джозайя Уиллард Гиббс

(11.11.1839-28.04.1903)
Американдық физик және физик-химик. 1879 жылдан бастап АҚШ Ұлттық ғылым академиясының мүшесі болған. 1858 жылы Йель университетін бітірген (1863 жылдан сонда философия доктры болған). 1863-1866 Йель колледжінің оқытушысы болып қызмет атқарған. Білімін Сарбоннада және Парижде, 1866-1867 жылдары Коллеж де Франсте, 1867 жылы Берлин және 1868 жылы Гейдельберг университетерінде жетілдірген.
Химиялық термодинамиканың негізін салушылардың бірі. Термодинамикалық потенциалдар теориясын 1875-1878 жылдары жетілдірген. 1875 жылы гетерогендік әртекті жүйелердің тепе-теңдік жағдайларын зерттеген, әртекті жүйелерде фазалар саны жүйедегі екіге жоғарылаған құраушылар санынан аспауға тиіс деген ереже ұсынды (1876 жылы) (Фазалар ережесі). Үшкомпоненттік жүйенің күйін графикалық бейнелеуін ұсынды (1878 жылы) (Гиббс үшбұрышы). Беттік құбылыстармен электрохимиялық үрдістер термодинамикасының негізін салушы. Көптеген ғылым академияларының және ғылым қоғамдарының мүшесі. 1880 жылдан бастап Америка өнер жіне ғылым академиясының мүшесі болған.

Дереккөздер:

С.К.Мырзалиева "Химия" (Балаларға арналған энциклопедиялық анықтамалық Алматы 2012ж.)