Джон Стюарт, 1-ші Леннокс графы

Джон Стюарт, 1-ші Леннокс графы ағыл. John Stewart, 1st Earl of Lennox
Лауазымы
1-ші Леннокс графы
1488-1495
Ізбасары	Мэтью Стюарт
Өмірбаяны
Дүниеге келуі	1430 (1430)
Қайтыс болуы	1495 (1495)
Династия	Стюарттар
Әкесі	Алан Стюарт
Анасы	Кэтрин Сетон
Жұбайы	1-әйелі: Маргарита Монтгомери 2-әйелі: Маргарет Монтгомери
Балалары	Мэрион, Элизабет, Роберт, Джон, Элизабет, Мэтью, Уильям, Александр

Джон Стюарт (ағыл. John Stewart; 1430 дейін туған — 1495), 1-ші Леннокс графы (1488 жылдан бастап) — шотландық барон, 1489 жылы патша Яков IV қарсы көтерілістің көшбасшысы.

Өмірбаяны

Стюарт ақсүйек әулетінің өкілі. Дарнлиден келген Алан Стюарттың (1439) және Кэтрин Сетонның үлкен ұлы.

Анасы жағынан Леннокс графтары ескі гелдік отбасының ұрпағы болғандықтан Джон Стюартты 1473 жылы шотланд патшасы Яков III Леннокс графы деп таныды. Бірақ үш жылдан кейін бұл атақ одан тартып алды, ал графтық патша доменіне қайтарылды. Наразы болған Джон 1482 жылы патшаны биліктен уақытша алып тастаған Лодер көтерілісінің қатысушыларына қосылып, кейінірек Яков III-нің үлкен ұлына Шотландияның тағына жетуіне көмектесті.

1488 жылы жаңа патша Яков IV Джон Стюартқа Леннокс графы атағын берді. Бірақ бұл графты қанағаттандырмады: жас патшаның билігін екі олигархиялы отбасы Хепберндер мен Хьюмтар басып алды. 1489 жылы сәуірде ол берік нығайтылған Дамбартон қамалында патшаға қарсы көтерілісті бастады. Патша әскері сарайды қоршауға алды, бірақ әрең дегенде 1489 жылы желтоқсанда Ленноксты тізе бүктірді. Леннокстың әрекеті Яков IV-ні XV және XVI-ғасырдың басында Шотландияда бұрын-соңды болмаған тұрақтылық пен өркендеуге қол жеткізуге мүмкіндік беретін әкімшілікке жеткізу үшін өзінің саясатын түбегейлі өзгертіп, ақсүйектердің кең топтарын тартуға мәжбүр етті.

Отбасы

Ол екі рет үйленді. Бірінші әйеліне 1438 жылы мамырда, 1-ші Монтгомери лорды, Александр Монтгомери (1470 жылы қайтыс болған) мен Маргарет Бойдтың қызы Маргарет Монтгомериге үйленді. Маргарет Монтгомери жастай қайтыс болды.

1460 жылы ол қайтадан 1-ші Монтгомери лорды, Александр Монтгомеридің немересі, Александр Монтгомери (? - 1425) мен Элизабет Хепберннің қызы Маргарет Монтгомериге үйленді. Балалары:

• Мэрион Стюарт
• Элизабет Стюарт (шам. 1464 ж. туған), күйеуі — Арчибальд Кэмпбелл, 2-ші Аргайл графы
• Роберт Стюарт (1470—1544), 4-ші д’Обиньи сеньоры
• Джон Стюарт (? — 1512), d’Oison сеньоры
• Элизабет Стюарт (1476 дейін туған)
• Мэтью Стюарт (1488—1513), 2-ші Леннокс графы (1495—1513)
• Уильям Стюарт (шам. 1495 — 1504), d’Oison сеньоры
• Александр Стюарт (шам. 1495 — 1509)