Дидактикалық поэзия

Дидактикалық поэзия (гр. didaktikos - үлгі, өнегелі, тағылымды) - үгіт-насихаттық, өсиет сарын - сипатында түзілген, поэзиялық жанрда жазылған шығармалар.

Атап айтқанда, дидактикалық - философиялық толғаулар, мысалдар, термелер, баталар, қанатты, нақыл сөздер, ғылыми-танымдық немесе қоғамдық-саяси философиялық-әлеуметтік тақырыпта жазылған поэзиялық трактаттар. Дидактикалык мазмұндағы туындыларда халықтық философия, педагогика, мораль, этика мәселелері, гуманистік сарындар баяндалады. Халықтың көркемдік және эстетика түсініктері, сан замандар мен ғасырлар бойы жинақталған білік, ақыл, тәжірибе, әдет-ғүрып, түрмыс-салттағы жарқын дәстүрлер әңгімеленеді. Дидактикалық поэзия үлгілеріне Жүсіп Баласағұнидың "Құтадғу білігі", Ахмет Жүгінекидің "Ақиқат сыйы". Махмұт Қашқаридің "Диуани лұғат ат-түркі", Қожа Ахмет Иасауидің өсиет, үгіт сарындас сөздері жатады. Түркі тілдес халықтардың жазба поэзиясының бастау-бұлағы - оның дәстүрлі ауызша дидактикалык поэзиясы әрі бұл оның мазмұны мен түріне де қыруар өрнектер косқан.