Дидар фольклорлық-этнографиялық ансамблі

Уикипедия — ашық энциклопедиясынан алынған мәлімет
Навигацияға өту Іздеуге өту

«Дидар» фольклорлық-этнографиялық ансамбліхалық шығармашылығын насихаттайтын вокалды-аспапты ұжым. 2000 жылы құрылған. Алғашқы құрамы «хореография және ырғақ» мамандығында оқитын студенттер мен оқытушылардан тұратын бишілер тобы және музыка-педагогика факультетінің ұлт аспаптар ансамблінің өнерпаздарынан тұрды. Қазір ансамбльде 15 биші және 21 музыкант (әнші, домбырашы, қобызшы, саз сырнайшы, даңғырашы, т. б.) өнер көрсетеді. Ансамбльдің репертуары, негізінен халық әндері мен күйлері, ұлттық, халықтық билерден тұрады. Ансамбль 2000 жылы Түркияда, Орал қаласында, 2001 жылы Өскеменде, 2002 жылы Таразда, 2002 жылы Астанада, 2004 жылы Киевте, Астанада өткен халықаралық байқаулар мен фестивальдарға қатысып, жүлделі орындарды жеңіп алған. Ансамбльде халықаралық, республикалық байқаулардың жүлдегерлері Қ. Жәлімбетов, Ш. Бейімбетова, С. Аққұлова, С. Абылаев, Р. Ахметов, А. Шағдатов, А. Ноғайбаева, Г. Мырзабаева, Ж. Юлдашова, Б. Әбсатова, А. Жеңсікбаева, Н. Усманова, А. Қартабаева, С. Әбенова еңбек етеді.