Дизъюнктивті дислокациялар
Дизъюнктивті дислокациялар – геологиялық денелердің жарылуы (жыртылуы) және осылайша дараланған дене бөлшектерінің жарылым бойымен жылжуы нәтижесінде қалыптасатын тектоникалық бұзылыстар жиынтығының жалпылама атауы. [1]
Жыртылып-ажырау құрылымдарын құрайтын геологиялық дене бөлшектерінің бір-біріне үйкеле отырып жылжу жазықтығы рөлін әдетте байырғы жарықтар мен жарылымдар атқарады, бұл жазықтық әдетте жыртылу жазықтығы немесе жыртылу жігі деп аталады; геологиялық дене бөлшектерінің кезінде бір-біріне шендес орналасқан нүктелерінің жыртылу жігі бойымен алшақтап кету қашықтығын ажырау амплитудасы деп атайды.
Дизъюнктивті дислокациялар нәтижесінде жыртылып-ажырау құрылымдарының талай-талай түрлері қалыптасады (көлбеме, сырғыма, шашпыма, тектоникалық бүркеме т. с. е.).
Дизъюнктивті дислокациялар терминінің синонимі ретінде жеке сөздер мен сөз тіркестері қолданылуы мүмкін. Олар: жыртылыс; жыртылып ажырау; жарылым; дизъюнктивті бұзылыс т. с. с.
Дереккөздер[өңдеу | қайнарын өңдеу]
- ↑ Н. Сенатов, А. Абдулин. Геология терминдерінің сөздігі.– Алматы: Қазақстан, 1996, 368 бет. ISBN 5-615-01738-4
 | Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|