Дик Адвокат

Дик Адвокат
Жалпы мағлұмат
Туған күні	27 қыркүйек 1947 (1947-09-27) (76 жас)
Азаматтығы	Нидерланд
Бойы	170
Позиция	жартылай қорғаушы
Клуб жайлы ақпарат
Клуб	Фейеноорд
Қызметі	бас жаттықтырушы
Клуб карьерасы 1966—1973 Ден Хааг 143 (7) 1967 →  Сан-Франциско Гейлз 7 (1) 1973—1977 Рода 121 (2) 1977—1979 ВВВ-Венло 74 (6) 1979 Чикаго Стинг 32 (3) 1979—1980 Ден Хааг 11 (1) 1980 Чикаго Стинг 31 (1) 1980—1982 Спарта (Роттердам) 61 (6) 1982—1983 Берхем Спорт 10 (0) 1983—1984 Утрехт 39 (0) Бапкерлік карьерасы 1980—1984 ДСВП 1984—1987 Нидерланд асс 1987—1989 Харлем 1989—1991 СВВ/Дордрехт’90 1991—1992 Нидерланд асс 1992—1994 Нидерланд 1995—1998 ПСВ 1998—2002 Рейнджерс 2002—2004 Нидерланд 2004—2005 Боруссия (Мёнхенгладбах) 2005 БАӘ 2005—2006 Корея Республикасы 2006—2009 Зенит (СПб) 2009—2010 Бельгия 2009—2010 АЗ 2010—2012 Ресей 2012—2013 ПСВ 2013—2014 АЗ 2014 Сербия 2015 Сандерленд 2016 Нидерланд асс 2016—2017 Фенербахче 2017 Нидерланд 2017—2018 Спарта (Роттердам) 2018—2019 Утрехт 2019— Фейеноорд

Дирк (Дик) Николас Адвокат (нидер. Dirk (Dick) Nicolaas Advocaat , [ˈdɪk ˌɑtfoˈkaːt]; 27 қыркүйек 1947 жыл, Гаага) — нидерландтық футболшы, жартылай қорғаушы, футбол жаттықтырушысы. Нидерланд, Ресей, Корея Республикасы, БАӘ, Сербия құрамаларын жаттықтырған.

Карьерасы

1994 жылғы әлем чемпионатына Нидерланд құрамасының бапкері ретінде барды. Бірақ құрамы күнші нидерландықтар топтық турнирде жарқырай алмады, алғашқы турда Сауд Арабиясынан бір тайм бойы 0:1 есебімен ұтылып тұрды, кейін Бельгиядан 0:1 есебімен ұтылып қалды. Бірақ соған қарамастан құрама 1/8 финалға жолдама алды.

Ширек финалда Нидерланд Бразилиядан 2:3 есебімен ұтылып қалды. Осы кездесуден соң қызметтен босаған Дик арада сегіз жыл өткен соң қайтадан құрама тізгінін ұстады. 2004 жылғы Еуропа чемпионатының іріктеуінен құрама іркілмей өтті. Бірақ финалдық турнирде тағы кібіртіктеді, бірінші турда Германиямен тең ойнап, екінші турда Чехиямен ойнады. 19-минутта Нидерланд 2:0 есебімен алға шықты. Бірақ екінші таймда Пауль Босвельт пен Арьен Роббенді алмастырды да, Нидерланд 2:3 есебімен ұтылып қалды. Ойыншыларды сәтсіз алмастырғаны үшін ашынған көпшілік оны сынның астына алды, тіпті елден кетуін талап етті. Ақыр соңында Нидерландтың премьер-министрінің өзі дауға араласып, бапкерді қорғауға мәжбүр болды. Бұл турнирде Нидерланд жартылай финалға дейін жетті.

2005 жылы Корея құрамасының тізгінін ұстады. Бірақ 2006 жылғы әлем чемпионатында бұған дейінгі өз отандасы Гус Хиддинктің табысын қайталай алмады, құрама екі турдан соң төрт ұпай жинап, екінші тұрғанымен, үшінші турда Швейцариядан ұтылып, жарыстан шығып қалды.

Әлем чемпионатынан соң Санкт-Петербургтің "Зенитіне" бас бапкер болды. Зенитті басқарған үш маусымда керемет табыстарға қол жеткізді, клуб 2008 жылы УЕФА кубогын ұтты, сол жылы тамызда "Манчестер Юнайтедтің" өзін ұтып, УЕФА Суперкубогын иеленді. Бірақ 2009 жылы құрамынан Андрей Аршавин, Анатолий Тимощук, Данни, Вячеслав Радимов секілді мықтылары кеткен "Зениттің" ойыны күт нашарлап кетті де, сол жылы тамызда Дик қызметтен босады.

2010 жылы Дик Ресей құрамасына бапкер боп тағайындалды. Бірақ 2012 жылғы Еуропа чемпионатында құрама топтық турнирден аса алмады.

2014 жылы Сербия құрамасына бас жаттықтырушы боп тағайындалды, бірақ үш кездесуде бір ғана ұпай жинаған соң, ол қызметтен тез босады.

2017 жылы 9 мамырда 69 жасында үшінші рет Нидерланд құрамасына бас жаттықтырушы болды. Бірақ құрама 2018 жылғы әлем чемпионатына жолдама ала алмады.

Жетістіктері

Ойыншы ретінде

АДО Ден Хааг

• Нидерланд чемпионатының қола жүлдегері: 1970/71

Бапкер ретінде

Нидерланд

• Еуропа чемпионатының жартылай финалисі: 2004
• Әлем чемпионатының ширек финалисі: 1994

ПСВ

• Нидерланд чемпионы: 1996/97
• Нидерланд кубогы: 1995/96
• Нидерланд суперкубогы: 1996, 1997, 2012

Рейнджерс

• Шотландия чемпионы: 1998/99, 1999/2000
• Шотландия кубогы: 1998/99, 1999/2000
• Лига кубогы: 1999

Зенит

• Ресей чемпионы: 2007
• Ресей суперкубогы: 2008
• УЕФА кубогы: 2007/08
• УЕФА суперкубогы: 2008

Сілтемелер

• Профилі