Диспаша

Диспаша (фр. dіspsche – кеме апатынан келтірілген залал) – теңізде ортақ апаттың болғанын тіркейтін арнаулы құжат‚ одан келтірілген залалдың есебі және оны сапарды ұйымдастыруға қатысушылар (кеме жалдаушы‚ кеме иесі‚ кемені жалға беруші) арасында бөлу. Ортақ апат – төтенше оқиғада кеме мен жүкті құтқару мақсатымен оларға әдейі келтірілген зиян. Апатқа ортақтасушылар (апаттық оқиғаға қатысушылар) үшін сапарға қатысушылардың (кеме иесінің‚ жүк иесінің‚ сақтандыру қоғамының) залалды қандай мөлшерде көтеруге тиіс екені әрқашанда бірдей айқын бола бермейді. Мұндай жағдайда диспашер (теңіз құқығы саласында қажетті білімі бар маман‚ ресми сарапшы) залал мен табысты чартер‚ коносамент негізінде бөледі.