Диспетчерлік қызмет

Уикипедия — ашық энциклопедиясынан алынған мәлімет
Навигацияға өту Іздеуге өту

Диспетчерлік қызмет, ауыл шаруашылығында - осы заманғы есептеулер техникасы мен математикалық тәсілдерді пайдаланып, ауыл шаруашылық өндірісін радио, телефон және тағы басқа да құралдар арқылы басқару жүйесі. Диспетчерлік қызмет өндіріс тапсырмаларын орындауда, техниканы дұрыс пайдаланып, оның бос тұруын болдырмау үшін, шұғыл хабарды қабылдауға және өңдеуге, орындаушыға қолма-қол тапсырма, нұсқау, бұйрық беруде көмек көрсетеді.

Диспетчерлік қызмет шаруашылықтың бүкіл өндірістік - тұрақты және уақытша салаларын түгел қамптиды. Мұнда істейтін адам саны шаруашылық көлеміне қарай белгіленеді, әдетте штаты үш адамнан тұрады

  1. Бас диспетчер,
  2. Диспетчер-оператор,
  3. Радио-техник,

Бұл жұмыстың тиімділігі техникалық жабдықты таңадй білуге және бұны дұрыс пайдалануға байланысты. Диспетчерлік қызметтің бірнеше түрі бар;

  • Жалпыға ортақ ішкі өндірістік телефон байланысы;
  • Диспетчерлік телефон байланысы;
  • Радиобайланыс;

Кезінде, Қазақстанның 100-ге тарта колхоз, совхоздарында диспетчерлік қызмет ұйымдастырылған. Облыстағы ауыл щаруашылық басқармалары 940-тан астам колхоз және совхозбен, 124 аудандық ауыл шаруашылық басқармаларымен байлансы жасаған. Ал колхоздар мен совхоздар шаруашылықтың ішкі саласымен байланыс жасау үшін 10 мыңнан астам радиостанцияны пайдаланған.

Дереккөздер[өңдеу | қайнарын өңдеу]

Алматы-кітап, 1997ж., 3-том