Диссектор

Диссектор (лат. disseco - ию, кесу) — электр зарядын жинақтамайтын, сыртқы фотоэффект құбылысы негізінде жұмыс істейтін теледидар таратушы электрондық-сәулелік құрал. Тығыздығы берілетін бейненің фотокатод бетіндегі жарықтылығының таралуына сәйкес болатын фотоэлектрондар ағыны диафрагмадағы қиюшы саңылау деп аталатын саңылаумен салыстырғанда өзара перпендикуляр бағытта ауытқиды. Мұнда диафрагмалық саңылау бейненің барлық элементтерімен реттілікті сақтай отырып беттеседі. Саңылаудан өткен екінші ретті электрондар ағыны күшейткіш арқылы күшейтіліп, коллекторда бейнесигнал туғызады. Сезімталдығы аз болгандықтан, теледидарлық қосалқы құрылғыларда қолданылып келген.