Дмитрий Павлович Шорохов

Уикипедия — ашық энциклопедиясынан алынған мәлімет
Jump to navigation Jump to search

Дмитрий Павлович Шорохов (13.12.1976 жыл, Алматы) - филология ғылымдарының кандидаты. Суретші. ҚР Суретшілер одағының мүшесі (2004 жылдан). Орыс.

Әкесі - Павел-Игорь Иванович Шорохов, мүсінші. Анасы - Шорохова Альфира Кабировна, кітапханашы.

Әл-Фараби атындағы Қазақ ұлттық университетінің журналистика факультетін (1997); әл-Фараби атындағы Қазақ ұлттық университетінің журналистика факультетінің магистратурасын (1999); Абай атындағы Қазақ ұлттық педагогикалық университетінің көркемсурет және графика факультетін озат бітірген (2003).

Суретші. Портрет, пейзаж және натюрморт жанрлы кескіндемеде жұмыс істейді, техникасы акварельді және майлы кескіндеме. Екі жеке көрмесін өткізген. 50 астам республикалық және халықаралық көрмелердің қатысушысы. Жұмыстары Қазақстанның, Ресейдің, Германияның мұражайлары мен жеке коллекцияларында сақталуда.

2000 жылдан бері - әл-Фараби атындағы ҚазҰУ журналистика факультетінің доценті. 2005 жылдан бері - «ЕрАзамат» ҚБ директоры. Әлеуметтік бағдарламаларды жүзеге асыру бойынша UNICEF, UNESCO, ІМО, ILO, Gender Bureau of UNDP және т.б. халықаралық ұйымдармен жұмыс істейді. Профессор Л. Ахметовамен бірге Орталық Азия сайтын women.unesco.kz. жүргізеді. Қайырымдылық акцияларға қатысады.

«Әл-Фараби атындағы ҚазҰУ үздік оқытушысы» грамотасымен марапатталған (2009).

Үйленген. Жұбайы - Шорохова Ася Асқарқызы (1979 жылы туған), экономист. Ұлы - Шорохов Илья (2005 жылы туған).[1]

Дереккөздер[өңдеу]

  1. Қазақстан Республикасында кімнің кім екені. Екі томдық анықтамалық. Алматы, 2011 жыл. ISBN 978-601-278-473-2