Бауыржан Момышұлы (метро бекеті)
| Бауыржан Момышұлы | |
| Бірінші бағыт (Алматы) | |
 | |
| Орналасуы | |
|---|---|
| Ашылған күні | |
| Жобалық атауы |
Достық, Яссауи |
| Түрі |
бағаналы, үшкүмбезді, терең емес |
| Тереңдігі |
16,2 м |
| Платформалар саны |
1 |
| Платформалар түрі |
аралдық, тік |
| Платформалар ұзындығы |
108 м |
| Платформалар ені |
15,2 м |
| Сәулетшілер |
А. Бәсен, Ғ. Омаров |
| Кіру-шығу |
Абай даңғылы, |
| Жұмыс уақыты |
06:20—00:00 |
«Бауыржан Момышұлы» — Алматы метросының 11-ші бекеті. Бірінші бағытта «Сарыарқа» және «Қалқаман» бекеттерінің арасында орналасқан. Жобадағы бұрынғы атауы «Достық» бекеті.
Құрылысы[өңдеу | қайнарын өңдеу]
2015 жылдың 22 шілдесінде «Сарыарқа» және «Достық» стансаларының құрылысының басталуы жарияланды (2021 ж. 18 қыркүйекке дейін[1] — «Достық»). Бұл 2018 жылы «Достық» — «Достық» бастапқы бөлігінің құрамында пайдалануға беру жоспарланған болатын.[2]
Станциялардың ашылуы 2020 жылға жоспарланды. Станциялардың ашылуы бірнеше рет кейінге шегерілді, ал 2019 жылдың маусымында станциялардың 2021 жылы ашылатыны хабарланды. 2021 жылдың 30 желтоқсанында станцияның техникалық іске қосылуы өтті. 2022 жылдың 13 сәуіріндегі жағдай бойынша бұл станса әлі күнге дейін жолаушыларға қызмет көрсетпеді. Азаматтар үшін ашылуы алдымен 2022 жылдың 1 тоқсанының соңына шегерілді, бірақ алматылықтар белгіленген мерзімде стансаның ашылуын күтпеді. Метро өкілдері уәделерінің орындалмауының себебі туралы баспасөзде ресми жауап бермеді.[3]
Алматы қаласының әкімі Ерболат Досаев ақпан айында Бауыржан Момышұлы стансасын 2022 жылдың мамыр айында пайдалануға беру жоспарланғанын айтты. Құрылыс аяқталған соң станса үстінен Әшімов көшесіне қарай даңғылдың жалғасы салынады.
2022 жылы 30 мамырда «Бауыржан Момышұлы» бекеті іске қосылды. Ашылу салтанатына Ерболат Досаев (Алматы қаласының әкімі) мен Зейнеп Ахметова (Бауыржан Момышұлының келіні) келді.
Орналасуы[өңдеу | қайнарын өңдеу]
Терең орналаспаған, колонналық үлгідегі, 7,5 м; 5,7 м; 7,5 м үш аралықтан тұратын бекет. Биіктігі 5,6 м. Платформаның ұзындығы — 108 м.
Абай даңғылы бойында, Момышұлы көшесінің батысында орналасқан.
Архитектурасы мен безендірілуі[өңдеу | қайнарын өңдеу]
Бекет жатық аудандарының үлкен тұрғын үй массивінің ортасында орналасқан. Осыны ескере отырып, жобаның басты міндеті ең заманауи әрлеу материалдарын пайдалану ғана емес, сондай-ақ адамға мейірімді мәдени орта құру болды.
Платформаның қабырғалары мен бағаналарын әрлеуге ашық түсті, інжу — сұр түсті Kalesinterflex инновациялық қыш панельдері, еденді қаптауға ашық сұр түсті табиғи гранит пайдаланылды.
Вестибюльдің қабырғалары мен бағандарын безендіруде сұр және ашық ағаш түсті Kalesinterflex қыш панельдері, ал жарықтандыруында бейтарап ақ жарықдиодты шамдар қолданылды.
Құрылыс барысы[өңдеу | қайнарын өңдеу]
- 2014 жылғы тамыз — құрылыс учаскесін қоршау басталды.
- 2014 жылғы қыркүйек — қазаншұңқыр құрылысының басталуы.
- 2015 жылғы шілде — бекет құрылысы басталды.
- 2016 жылғы ақпан — «Herrenknecht AG» неміс компаниясының көмегімен Сарыарқа бекетіне дейін оң айдау туннелін қазудың басталуы.
- 2016 жылғы шілде — бекеттің дене құрылысы жүргізілуде.
- 2016 жылғы желтоқсан — сол жақ аралық туннельді Сарыарқа бекетіне дейін үңгілеудің басталуы.
- 2018 жылғы ақпан — бекетке дейін туннельдерді үңгілеу аяқталды.
- 2018 жылғы наурыз — Қалқаман бекетіне дейін туннельдер құрылысы жүргізілуде.
- 2018 жылғы сәуір — бекет конструкцияларының құрылысы аяқталды.
- 2018 жылғы қыркүйек — ашық тәсілмен бекет артындағы айналма тұйықтардың құрылысы жүргізілуде.
- 2019 жылғы мамыр — коммуникацияларды төсеу, бекеттің құрылыс қазаншұңқырын топырақпен жабу жүргізілуде.
- 2021 жылғы желтоқсан — бекеттің техникалық іске қосылуы өтті.
- 2022 жылғы мамыр — бекет ашылды.
Дереккөздер[өңдеу | қайнарын өңдеу]
Сілтемелер[өңдеу | қайнарын өңдеу]
- «Б. Момышұлы» бекеті. metroalmaty.kz.
| ||||||
