Дробжев Виктор Иванович

Уикипедия — ашық энциклопедиясынан алынған мәлімет
Jump to navigation Jump to search

Дробжев Виктор Иванович (11 сәуір 1940 жылы туған, Ресей Федерациясы, Алтай өлкесі, Усть-Пристань ауданы, Коробейниково селосы — 29.03.2018) — ғалым, физика-математика ғылымдарының докторы (1982), профессор (1995), Қазақстан Ғылым Академиясының корреспондент мүшесі (1989).
Томск мемлекеттік университетін бітірген (1962). 1962 — 68 жылдары Қазақстан Ғылым Академиясының Ионосфера секторында инженері, аспирант, кіші ғылыми қызметкер, 1968 — 70 жылы 14-кеңестік антарктикалық экспедициясында аға ғылым қызметкер, 1970 — 83 жылдары Қазақстан Ғылым Академиясының Ионосфера секторының аға ғылым қызметкері, 1990 — 94 жылдары Қазақстан Ғылым Академиясының физика-математика бөлімшесінің академия-хатшысының орынбасары, 1983 — 96 жылдары Ионосфера институтының директоры, 1996 — 97 жылдары Қазақстан Республикасы ғылым министрінің орынбасары, 1997 жылдан Қазақстан Республикасы Білім және ғылым министерлігінде департамент директоры қызметтерін атқарған. 1999 жылдан Ионосфера институтының директоры. Негізгі ғылым еңбектері әр түрлі уақыттық және кеңістіктік масштабтағы табиғи және жасанды жарық көздері тудыратын ионосферадағы толқындық ұйытқуларды зерттеуге арналған. Дробжев орта ендік ионосферасындағы динамикалық процестердің толқындық тұжырымдамасын негіздеді және олардың радио және геофизикалық диагностикасын жасады.[1]

Сыртқы сілтемелер[өңдеу | қайнарын өңдеу]

http://www.spaceres.kz/index.php?uin=1237873843&chapter=1271151719&lang=rus

Дереккөздер[өңдеу | қайнарын өңдеу]

  1. «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, V том