Дрокия

Дрокия
	Қала
	Дрокия
	рум. Drochia
Ту	Логотипі
Әкімшілігі
Ел	Молдова
Аудан	Дрокия ауданы
Тарихы мен географиясы
Координаттары	48°06′51″ с. е. 27°48′30″ ш. б. / 48.11417° с. е. 27.80833° ш. б. (G) (O) (Я)Координаттар: 48°06′51″ с. е. 27°48′30″ ш. б. / 48.11417° с. е. 27.80833° ш. б. (G) (O) (Я)
Құрылған уақыты	1889
Алғашқы дерек	1777
Қала статусы	1973
Уақыт белдеуі	UTC+2:00
Тұрғындары
Тұрғыны	20 525 адам (2025)
Сандық идентификаторлары
Телефон коды	+373 252
Пошта индексі	MD-5200
Автомобиль коды	MD
	Дрокия
	Дрокия шекарасы
	Ортаққордағы санаты: Дрокия

Дрокия (рум. Drochia) — Молдовадағы қала, 1971 жылдан Дрокия ауданының орталығы. Қаланың атауы dropie - жергілікті құс түрі дуадақ сөзінен шыққан.^[1] 2025 жылы Дрокия қаласының халқы 20 525 адамды құрады. Дрокия Молдовада халық саны бойынша 59 қаланың ішінде 13-ші орында.^[2]

Географиялық орналасуы

Қала ел астанасы Кишиневтен солтүстікке қарай 174 км жерде және Румынияның Яссы қаласынан солтүстік-шығысқа қарай 67 км жерде орналасқан. Дрокияның орташа биіктігі 226 метр. Қала арқылы Окнита-Бельцы темір жолы өтеді.^[3]

Тарихы

Дрокия 1777 жылы құрылған және бір ғасыр бойы қарапайым ауыл болды. 19 ғасырдың ортасында мұнда шарап зауыты мен диірмендер іске қосылды, бірақ Дрокияның дамуына ең үлкен үлесті 1879 жылы теміржол қосты. 1957 жылы қант зауыты іске қосылып, бүгінде бұл қаладағы ең ірі кәсіпорынға айналды.

Революцияға дейін Дрокия Бессараб губерниясының Белецкий уезіне қарады. 1918/40 жылдары Румынияның, 1944 жылдан Молдаван КСР-інің құрамында болды. 1954 жылы Дрокия аудан орталығы және қалалық типтегі елді мекен болды. 1973 жылы қала мәртебесін алып, Дрокия Кеңес Одағының № 2000 қаласы ретінде тарихқа енді.^[4]

Өндіріс орындары

Кәсіпкерлік субъектілерінің саны – 369, жауапкершілігі шектеулі серіктестіктер – 251, 35 акционерлік қоғам, 51 кооператив, 12 мемлекеттік кәсіпорын және 5 коммуналдық кәсіпорын бар.
Тамақ өнеркәсібі кәсіпорындары (ірімшік пен май өндіріледі), құрылыс материалдарын өндіру. Қаланың шетінде тәулігіне 300 тоннаға жуық қант өндіретін неміс концернінің «Sudzuker-Moldova» компаниясына тиесілі қант өнеркәсібі зауыты бар.

Қалада 140 сауда нүктесі, 2 базар, 8 халықты қамтамасыз ету пункті, 5 коммерциялық банк филиалы және бір сақтандыру компаниясы жұмыс істейді.^[5]

Инфраструктурасы

Мәдениет мекемелерінің желісі 2 қоғамдық кітапхана, 2 мәдениет үйі, музыка мектебі және өнер мектебінен тұрады. Қалада жергілікті «Алмаз» телеарнасы және «Glia drochiană» және «Etalon» атты екі мерзімді басылым бар.

Қаланың білім беру жүйесінде 5 балабақша, 4 мектеп және 2 орта мектеп бар. Қалада спорт мектебі бар.

Денсаулық сақтау саласында 380 төсектік аудандық аурухана, отбасылық дәрігерлік орталық, 16 дәріхана жұмыс істейді.

Көрікті жерлері

Қаланың архитектуралық көрнекті орны - Успен Мария соборы. Ол 1990 жылдардың басында салынған және Дрокия ғимараттарының арасында ерекшеленеді. Сондай-ақ қалада Молдова билеушісі Ұлы Стефан III және румын әдебиетінің классигі Михай Эминеску ескерткіштері орнатылған.

Дрокияның негізгі символы жартас бағы — флора мен фаунаның алуан түрлілігімен ерекшеленетін геологиялық және ботаникалық қорық. Мұнда өсімдіктер арасында мыңдаған жылдар бойы жасалған керемет жартасты түзілімдер ерекше орын алады.^[6]