Дублет

Дублет (франц. doublet, double сөзінен — қос, егіз) — 1) физикада: бір-біріне жақын орналасқан спектрлік сызықтар жұбы; олар спин-орбиталық өзара әсердің салдарынан болады (мысалы, натрий спектріндегі сары дублет); 2) қандай да бір заттың екінші данасы не бірдей екі заттың біреуі; 3) бір-бірімен желімделген екі бөліктен тұратын жасанды асыл тас. Оның үстіңгі бөлігі нағыз асыл тас болып есептеледі; 4) екі ұңғылы аңшы мылтығының бір мезгілде атылуы.