Дулат Әбдірахманұлы Қоспанов

Уикипедия — ашық энциклопедиясынан алынған мәлімет
Jump to navigation Jump to search

Дулат Әбдірахманұлы Қоспанов (10.06.1948 жыл, Солтүстік Қазақстан облысы, Ново-Павловка ауылы) - кескіндемеші. Қазақ.

Әкесі - Қоспанов Әбдірахман Қоспанұлы, бухгалтер. Анасы - Қоспанова Әсима Молдахметқызы, үй шаруасымен айналысады.

Н.В.Гоголь атындағы Алматы көркемсурет училищесінің кескіндеме белімін бітірген (1976), кескіндемеші.

Жұмыстары ҚР Көркем көрмелер дирекциясында, Астана қаласы. Президенттің мәдениет орталығында, Қытай, Германия, Ресей, АҚШ, Жапония, Литва, Қазақстан елдерінің галереялары мен жеке коллекцияларында сақталуда. «Ғарыш бейбіт қызметінде» халықаралық көрменің (КСРО-АҚШ, Мәскеу, 1989), Астана қаласы Президенттің мәдени орталығындағы ұжымдық көрменің (2006), сонымен қатар бүкіл одақтық, республикалық, аймақтық және облыстық көрмелердің қатысушысы. Көкшетау (1998), Щучинск (2006) қалаларында жеке көрмелерін өткізген. ҚР Көркемөнер академиясының мүшесі-корреспонденті (2006 жылдан).

1979 жылдан - ҚР Суретшілер одағының Целиноград облыстық бөлімінің қызметші суретші-кескіндемешісі.

2007 жылдан - ҚР Көркемөнер академиясының мәдениет ескерткіштерін қорғау сарапшысы.

2008 жылдан бері - «Көкше» академиясының жанындағы колледждің оқытушысы. ҚР Көркемөнер академиясының Ақмола облыстық бөлімінің төрағасы (2006 жылдан). КСРО және ҚР Суретшілер одағының мүшесі (1986 жылдан).

Үйленген. Жұбайы - Қоспанова Алма Зиетденқызы. Ұлы -Ербол; қыздары -Ғайни, Гүлнәр, Айша.[1]

Дереккөздер[өңдеу]

  1. Қазақстан Республикасында кімнің кім екені. Екі томдық анықтамалық. Алматы, 2011 жыл. ISBN 978-601-278-473-2