Душанбе халықаралық әуежайы
| Душанбе халықаралық әуежайы | |||
|---|---|---|---|
| |||
| IATA: DYU – ICAO: UTDD | |||
| Қысқаша мәлімет | |||
| Әуежай түрі | Азаматтық | ||
| Орналасқан орны | Душанбе, Тәжікстан | ||
| Тасымалдаушы Хабы | *Somon Air | ||
Душанбе халықаралық әуежайы (тәж. Фурудгоҳи байналмилалии «Душанбе») — Тәжікстан астанасы Душанбе қаласында орналасқан әуежай. Бұл Somon Air және Tajik Air әуе компанияларының негізгі хабы. Күн сайын әуежайдан 20 бағытқа рейс ұшады.[1]
Тарихы
[өңдеу | қайнарын өңдеу]Тәжікстанда және оның астанасында әуе қатынасының пайда болуы ұзақ тарихқа ие. 1924 жылы қалан аумағында алдымен шағын аэродромы бар станса пайда болды, станса бірнеше жылдан кейін Сталиннің атын алып қайта салынды (Душанбе ол кезде Сталинабад қаласы болған). 1924 жылы Бұхара мен Душанбе арасында жасалған алғашқы рейс Тәжікстандағы әуе қатынасының негізін қалады.
Бірте-бірте шағын әуежай жетілдіріліп, ақырында ол аэродром кешеніне айналды. Кейін заманауи жолаушылар терминалымен толықты. Кеңес Одағының ыдырауы кезінде әуежай бірнеше рет ұйымдық құрылымын өзгертіп, ыдырай бастаған үлкен елдің көптеген әуежайлары сол кездегі қиын кезеңдерді бастан өткерді. Осы жылдар ішінде әуежайдың жабыны мен ұшу-қону жолағы бірнеше рет қайта жаңартылды, бұл ұшақтардың жаңа түрлерін қабылдауға мүмкіндік берді. Тәжікстан мемлекеттік тәуелсіздік алғаннан кейін әуежай біртіндеп жоғалған мүмкіндіктерін қалпына келтірді. Бүгінде ол кез-келген ұшақты қабылдай алады. Сондай-ақ тікұшақтарды қабылдайды, өйткені ол тек азаматтық авиация ұшақтарының ғана емес, сонымен қатар әскери авиатехниканың бірлескен әуежайы болып табылады.[2]
Қызмет көрсету
[өңдеу | қайнарын өңдеу]Терминал — 2014 жылдан бері Душанбе әуежайында сағатына 500 жолаушыны қабылдай алатын екі қабатты бір терминал бар.
Жүктер — терминалдың бірінші қабатында жүк сақтау бөлмесі бар. Олар қолжүкті және басқа да жеке заттарды қабылдайды, бұл ақылы қызметтер. Әуежай сонымен қатар багажды іздеу қызметін ұсынады.
Банкоматтар мен валюта айырбастау пункттері — әуежайда бірнеше банкоматтар мен валюта айырбастау пункттері бар. Ақшаны және құндылықтарды декларациялау тәртібі, Республикада қолма-қол ақшамен әкелінетін валютаға қатысты ережелер мен шектеулер белгіленген.
Күту залдары — әуежай ғимаратының бірінші қабатында күту залы орналасқан. Зал жұмсақ креслолармен, интернетке қол жетімділікпен, ұшу және келу тақталарымен, намаз бөлмесімен жабдықталған. Әуежайда жайлылығы жоғары залдарды пайдалануға мүмкіндік бар:
- CIP залы (Commercially Important person) жайлылық пен қызмет көрсетудің жоғары деңгейін қалайтын жолаушыларға беріледі.
- VIP-зал (Very Important person) Тәжікстан Республикасының Үкіметі бекіткен тізбеге кіретін лауазымды тұлғаларға немесе коммерциялық негізде жолаушыларға беріледі.
Балалары бар жолаушылар үшін бөлме — әуежайда ана мен бала бөлмесі бар, ол нәрестеге күтім жасау және ананың демалуы үшін қажет нәрсенің бәрімен жабдықталған.
Интернет — әуежайдың бүкіл ғимаратында тегін Wi-Fi бар.[3][4]
Әуе қатынастары және әуе компаниялары
[өңдеу | қайнарын өңдеу]Душанбе әуежайына тікелей рейстер 23 қаладан ұшады. Душанбе әуежайына тікелей рейстермен жүзеге асырылатын танымал қалалар: Мәскеу, Қазан, Санкт-Петербург, Екатеринбург, Краснодар, Сочи, Красноярск, Жаңасібір, Алматы, Ыстанбұл, Ташкент, Дубай, Үрімжі, Самара, Челябі
.jpg)
Душанбеге 9 елден тікелей рейстер бар. Олар: Ресей, Қазақстан, Германия, Ауғанстан, Қырғызстан, Тәжікстан, Түркия, Өзбекстан.
Душанбеге 14 авиакомпанияның бортында ұшуға болады. Тікелей әуе қатынасына қызмет көрсететін үздік авиа тасымалдаушылар: Сомон эйр, Уральские авиалинии, Ютэйр, Таджик Эйр, S7 Airlines, Северный Ветер (Nordwind), Эйр Астана (AirAstana), Авиа Трафик Компани, Турецкие Авиалинии, Узбекистон хаво йуллари, Flydubai, СКАТ, China Southern Airlines, Kam Air.
Душанбеге ұшатын 14 әуе компаниясының 8 ұшақ үлгісі бар. Airbus A320, Boeing 737-800, Boeing 737-300, Boeing 737-900, Airbus A321, Boeing (Douglas) MD-87, Boeing 767-200/200ЕР, Canadair regional jet.[5][6]
Даму және қайта құру бағдарламасы
[өңдеу | қайнарын өңдеу]Жақында терминал мен ұшу-қону жолағын кешенді қайта құру оған жолаушылар лайнерлерінің барлық түрлерін, сондай-ақ әскери ұшақтар мен тікұшақтарды қабылдауға мүмкіндік береді. Таяу болашақта әуежай алдында тұрған негізгі міндеттер – жұмыс істеп тұрған авиакомпаниялардың қызмет көрсету сапасын арттыру ғана емес, сонымен қатар басқа да әуе тасымалдаушылардың ең көп санын ұзақ мерзімді ынтымақтастыққа тарту.
Бүгінгі күні жарнама саласындағы қызметтерді кеңейтуге, коммерциялық ұйымдарға жалға беру қызметтерін көрсетуге және әуежай терминалы алаңында ақылы автотұрақтарды дамытуға бағытталған бірқатар іс-шаралар жүргізілуде.[7]
Дереккөздер
[өңдеу | қайнарын өңдеу]- ↑ Душанбе әуежайы (Dushanbe International Airport). Тексерілді, 2 сәуір 2025.
- ↑ Душанбе әуежайы. Тексерілді, 2 сәуір 2025.
- ↑ Душанбе халықаралық әуежайы. Тексерілді, 2 сәуір 2025.
- ↑ Душанбе әуежайы. Тексерілді, 2 сәуір 2025.
- ↑ Душанбе әуежайы. Тексерілді, 2 сәуір 2025.
- ↑ Душанбе халықаралық әуежайы. Тексерілді, 2 сәуір 2025.
- ↑ Душанбе халықаралық әуежайы. Тексерілді, 2 сәуір 2025.