Діни қоғамдар

Уикипедия — ашық энциклопедиясынан алынған мәлімет
Jump to navigation Jump to search

Діни қоғамдар Қарағанды облысында 382 діни бірлестіктер бар, солардың ішінде 122-сі мұсылмандық, 23-і православие, 16-сы католик, 206-сы протестант, 3-cі иудейлік, 10-ы дәстүрлі емес бағытта, 2 діни қор құрылған (2006). Қарағанды католик шіркеуінің Қарағандыдағы діни-мәдени орталығы болып табылады. Облыста діни бағытта 6 баспасөз және 1 электронды БАҚ тіркелген. ҚР «Діни бірлестіктер және ождан бостандығы» заңына сәйкес облыста жаңа мешіттер, храмдар мен ғибадатханалар салынуда, мұның өзі азаматтардың, дінге сенушілердің діни қажеттілігін өтеуге қолайлы жағдай жасайды. Діни бірлестіктер қоғам еміріне белсене қатысады, ірі діни бірлестіктердің басшылары Қазақстан халықтары кіші ассамблеясы мен діни бірлестіктермен байланыс жөніндегі кеңес құрамында. Облыстағы түрлі конфессиясының діни бірлестіктері қоғамда дінаралық және ұлтаралық келісімді онан әрі нығайтуға лайықты үлес қосуда. Облыстың діни бірлестік басшылары: Қазақстан мұсылмандары Діни басқармасының Қарағанды және Жезказған аймақтары бойынша уәкілдері Қ. Сансызбай және Т. Әсембай, Орыс православие шіркеуі Астана және Алматы епархиясы Қарағанды және Абай шіркеу округтерінің благочинниі М. Патрикеев және А. Угольков; Рим-Католик Карағанды епархиясының архиепископ-епископы Ян Павел Ленга; Қазақстан евангельдік христиан-баптистер шіркеуі одағының төрағасы Ф. Тиссен, «Грейс-Рақым» республикалық Миссионерлік Христиан орталығы» діни бірлестігінің архиепископы И.Ким (2006).[1]

Дереккөздер[өңдеу]

  1. Қарағанды. Қарағанды облысы: Энциклопедия. - Алматы: Атамұра, 2006. ІSBN 9965-34-515-5