Дін мен діл

Уикипедия — ашық энциклопедиясынан алынған мәлімет
Навигацияға өту Іздеуге өту

Дін мен діл
Авторы Қайрат Жолдыбайұлы
Түпнұсқасы
Тілі қазақша
Қазақша басылым
Баспасы «Б. о. ж.», Алматы
Беттер саны 288
ISBN 978-601-06-0490-2[1]

Дін мен діл2010 жылы Алматы қаласы «Б. о. ж.» баспасында басылып шыққан кітап. Кітап авторы/құрастырушысы — Қайрат Жолдыбайұлы. Беттер саны — 288.[2]

Қазақстан Республикасының Ұлттық мемлекеттік кітап палатасынан тіркелу кезінде берілген ISBN нөмірі — 978-601-06-0490-2.[1]

Қысқаша мазмұны[өңдеу | қайнарын өңдеу]

Дін саласында мақтанып айтатын оң өзгерістер көп кездескенмен көлеңкелі жақтар да жоқ емес. Қазір Қазақстанда түрлі жамағаттар бой көтере бастады. Кейбірі бірден ата-бабаларымыздың сан ғасырлардан бері ұстанып келе жатқан салт-дәстүрлеріне шүйлігіп, байыпсыз пікірлер таратуды әдетке айналдырды. Осы пікірлерге еріп, дәстүрлі құндылықтарды жатсынып, қырын қарайтындар да пайда бола бастағаны жасырын емес. Ал мұның ел ынтымағына қатер төндіріп, мұсылмандардың татулығына сына қағары белгілі. Себебі, көптеген жерлерде осындай біржақты түсіністіктердің нәтижесінде мұсылмандар арасында түрлі түсініспеушіліктер орын алып, арты дау-дамайға, ренішке соқтырып жатқан жағдайлар да кездесуде.


Сонда ғасырлар бойы халқымыздың ұстанып келе жатқан ханафи мәзһабы мен мәтруди ақидасы һәм озық дәстүрлеріміз бен әдет-ғұрыптарымыз іске жарамсыз болып қалмақ па? Халқымыздың дәстүрлі мәдениеті мен әдет-ғұрпы дінге қатер туғызып отыр ма? Аясына түрлі ұлттар мен ұлыстарды қамтыған Ислам діні әр елдің өзіндік салт-дәстүрін қалай реттестірген? Ханафи мәзһабының ерекшелігі неде? Міне, осының аражігін ажырату қазіргі өзекті мәселелердің бірі болып отыр. Осы орайда, Құран аяттары мен хадистер негізінде, діни ереже-қағидаттар аясында осы сұрақтарға кең көлемді әрі нақты жауаптар берілген “Дін мен діл” кітабының қазіргі қоғамға аса қажет екені сөзсіз. Өйткені еңбек қоғамдағы жауабын таппай отырған осындай келелі сұрақтарға жауапқа құрылған.

Аталмыш еңбекте “Мәзһаб ұстану неліктен қажеттілік?”, “Оқылған Құранды бағыштауға бола ма?”, “Мәуліт бидғатқа жата ма?”, “Музыка тыңдау харам ба?”, “Әлем пайғамбарымыздың құрметіне бола жаратылған деген сөз дұрыс па?” деген секілді бірқатар қазіргі қоғамда тұшымды жауабын таппай отырған діни мәселелерге жауаптар қамтылған. Еңбек дін мамандары мен имамдарға және кітапта көтерілген мәселелерге қызығушылық танытқан көпшілік қауымға арналған.

Тағы қараңыз[өңдеу | қайнарын өңдеу]

Дереккөздер[өңдеу | қайнарын өңдеу]

  1. a b ISBN, ISMN, ISSN Агенттіктері
  2. «bookchamber.kz» сайтындағы кітаптар базасы(қолжетпейтін сілтеме)

Сыртқы сілтемелер[өңдеу | қайнарын өңдеу]