Дәрілік авран
Навигацияға өту
Іздеуге өту
Дәрілік авран (Бұзартүзер лат. Gratiola officinalis)[1] - биіктігі жарты метрге жететін, бақажапырақ тұқымдасына жататын шөп тектес өсімдік.
Сипаты[өңдеу | қайнарын өңдеу]
- Сабағының жоғарғы жағы төрт қырлы.
- Тамыры көлбеу өседі.
- Жапырақтары кезектесіп орналасқан, отырмалы, ұштары сүйір, шеттері ара тісті, жіңішкелеу келеді.
- Гүлдері ақ немесе ашық қызыл түсті, гүл сабақтары ұзын, жапырақтарының қуысында орналасқан. Гүл тәжі сары түтікшеге ұқсайды.
- Мамыр-шілде айларында гүлдейді.
- Жемісі қыркүйек айында піседі.
- Өзендердің, көлдердің жағаларындағы ылғалды жерлерде, суармалы шабындықтарды, ормандардың шеттерінде өседі.
Емдік қасиеті[өңдеу | қайнарын өңдеу]
Дәрі үшін авранның жерге түскен бөлігін гүлдеген кезінде жинап алады және оған қосымша тамырын да пайдаланады.
- Құрамында грациозид, грациамид, грациотоксин атты гликозидтер, сапониндер, органикалық қышқылдар, майлар бар.
- Бұл өсімдіктен жасалған дәрілердің несеп айдайтын, іш жүргізетін, құстыратын, ішек құрттарын түсіретін қасиеттері бар. Осыған байланысты шемен ауруын, бауыр және тамақ ауруларын, геморройды, подаграны емдеу үшін пайдаланады.
- Терінің көптен жазылмай жүрген ауруларын, қышыма қотырды да емдейді.
- Сығылып алынған жас сөлін майға араластырып дене сыртындағы жараларға жағуға да болады.
Сақтық шаралары[өңдеу | қайнарын өңдеу]
Дәрілік авран улы.
- Егер мөлшерін аздау етіп алса іш жүргізеді, көптеу етіп алса құстырады.
- Басқа өсімдіктермен араластырып жеп қойған жағдайда малдың ішінен қан кетеді, құсады, кейде өліп те кетеді. Сондықтан дәрілік мақсатқа аса үлкен сақтықпен, тек дәрігердің рұқсатымен ғана қолданылады.
Дереккөздер[өңдеу | қайнарын өңдеу]
- ↑ Қазақстанның дәрілік өсімдіктері. Іскендіров Әбіш. Алматы "Қазақстан" 1982, 188 бет.