Дәрілік шүйгіншөп

Уикипедия — ашық энциклопедиясынан алынған мәлімет
Мұнда ауысу: шарлау, іздеу
Дәрілік шүйгіншөп

Дәрілік шүйгіншөп (лат. Valeriana officinalis) - көп жылдық, шөп тектес өсімдік[1].

Сипаты[өңдеу]

  • Биіктігі 1,5 метрге дейін жетеді.
  • Тамыры қысқа, іші қуыс, тік өседі, қосымша көптеген ұсақ тамырлары да бар.
  • Сабағы тік, сырты сай-сай, іші қуыс.
  • Тамырынан тікелей өсіп шығатын жапырақтарының сабақтары ұзын, сабақтың төменгі жағындағы жапырақтарының сағақтары қысқалау, жоғары жағындағылары отырмалы болады.
  • Жапырақтары құстың қауырсыны тәрізді, қарама-қарсы орналасқан, шеттері ара тісті.
  • Гүлдері майда, ашық қызыл түсті, хош иісті, өсімдіктің ең жоғарғы жағында шоғырланып тұрады. Гүл тәжі бес гүл жапырақшаларынан, ал гүл тостағаншасы бес имек қалақшалардан тұрады.
  • Тұқымы - бір шетінде шашағы бар, кішкене ғана сопақша жеміс.
  • Мамыр-тамыз айларында гүлдейді.
  • Жемісі шілде-қыркүйек айларында піседі.
  • Өсетін жерлері: шабындықтар, көгалды жерлер, өзендердің жағалары, бұталардың арасы, ормандар, батпақты жерлер.

Дәрілік қасиеті[өңдеу]

Өсімдік гүлдеп біткеннен кейін үстіңгі бөлігі қураған соң тамырын жинайды.

Дәріні дайындау және қолдану тәсілі[өңдеу]

  • Ұнтақталған тамырдың 1 шай қасығын 1 стақан салқын суға салып, 6-8 сағат тұндырып қояды да, сүзіп алып, 1 ас қасықтан күніне 3 рет ішеді.
  • Белгілі ғалым Б.Е.Ботчальдің тәсілі бойынша дәрілік шүйгіншөпті шай ретінде де пайдаланады: 10 грамм ұнтақталған тамырды қайнап тұрған бір стақан суға салады да, стақанның бетін таң атқанша жауып қояды. Таңертең сүзіп алып, дәріні күні бойы шетінен ұрттап ішіп бітіреді.

Дереккөздер[өңдеу]

  1. Қазақстанның дәрілік өсімдіктері. Іскендіров Әбіш. Алматы "Қазақстан" 1982, 188 бет.

Тағы қараңыз[өңдеу]