Дәулетхан Жиенқұлов

Уикипедия — ашық энциклопедиясынан алынған мәлімет
Jump to navigation Jump to search

Дәулетхан Жиенқұлов – қазақ телевизиясында өнімді еңбек етіп жүрген журналистердің бірі. Ол Алматы облысында дүниеге келген. Журналистік қызметін еліміздің көптеген, белді телеарналарында атқарып келеді. Олар: КТК, НТК, халықаралық «Caspionet» және «31 арна». «31 арнадағы» «Информбюро» жаңалықтар қызметінің редакторы және «Тұжырым» бағдарламасының жүргізушісі болды. 2002-2006 жылдары Қазақстан Ұлттық телеарнасының ақпараттық-сараптамалық дирекциясының Алматы қаласы бюросының жетекшісі болған. КТК арнасындағы «Өз сөзім», «Репортер» бағдарламаларының сонымен қатар, мемлекетаралық «МИР» телерадиокомпаниясындағы «Көлденең сауал» және «Қазіргі Қазақстан» бағдарламаларының авторы, жүргізушісі әрі жауапты редакторы қызметтерін аса тиянақтылықпен атқарды. Сондай-ақ «31 арнаның» 13 жылдығына орай ұйымдастырылған бәйгеде күміс белгімен марапатталып, тікелей эфирдің үздік жүргізушісі номинациясы бойынша жүлдегер атанды.