Евгений Иванович Рогов

Уикипедия — ашық энциклопедиясынан алынған мәлімет
Jump to navigation Jump to search

Евгений Иванович Рогов (27.4.1937, Ресей, Алтай өлкесi, Змеиногорск қ. — 22.11.2017) – техника ғылымдарының докторы (1984), профессор (1984), ҚР Минералды ресурстар академиясының (1996) және ҚР Ұлттық ғылым академиясының (2003) академиктері.


Қазақ тау-кен және металлургия институтын (1959, қазіргі Қазақ Ұлттық техникалық университеті) бiтiрген. «Қарағандыкөмір» комбинатында тау-кен ісінің шебері, телім бастығының орынбасары (1959–61), Қазақстан ғылым академиясының Кен iсi институтында аспирант (1961–64), кіші, аға ғылыми қызметкер (1964–65), ғылыми хатшы (1965–71), директордың орынбасары (1987–88), институт директоры (1988–99) болды. 1999 жылдан лаборатория меңгерушісі қызметтерін атқарды.

1982 ж. «Научные основы моделирования и оптимизации технологических подсистем угольной шахты» деген тақырыпта докторлық диссертация қорғады. Ғылыми еңбектерi жер астындағы көмiр қабатын қазудың адаптивтiлiгi жоғары технология жүйесiн жасауға, жүйелеп талдауға, үлкен жүйелердi математика модельдеуге бағытталған.

Республикада 280-ге жуық ғылыми еңбектiң авторы, оның iшiнде 16 монография, 40-тан астам өнертабыстары бар.