Еденсүрткіш

Уикипедия — ашық энциклопедиясынан алынған мәлімет
Jump to navigation Jump to search

Еденсүрткіш ( электрлік). Бұл паркет, линолеум төселген және сырланған едендерді механикалық түрде сүртуге пайдаланылады. Еденді электр двигателімен айналдырылатын қыл щеткамен сүртеді. Двигатель щетка ұстағышпен қоса бір корпусқа монтаждалған. Қазіргі қолданылып жүрген еденсүрткіш конструкциясында сүрткіш щеткадан шыққан шаңды қоса сорып алатын мүмкіншілікте қарастырылған. Бұл еденді сүрткен кезде мебельді, пердені және интерьердің басқа заттарын шаң басудан корғайды. Өнеркәсіпте жасалатын «ЭПО-3» еденсүрткішінің үш сүрткіш щеткасы және ауа тазартқыш-сорғыш құрылғысы бар. Ауа-тазартқыш-сорғышты шаң жинағышымен қоса бір ортақ коллекторлы электр двигателі қозғалтады. Электрлік еденсүрткіш басқару штангасымен (осының көмегімен еденсүрткішті еден үстімен жылжытады) жабдықталған, ал оның корпусының төменгі жиегіне бекітілген резеңке сақина түрінде жасалған амортизатор корпусы мебель мен еденнің ірге бастырғысын щеткамен бүлдіруден сақтайды. Басқару штангасының бұрылатын торабына кішкентай ажыратқыш монтаждалған; ол штанга еңкіш (жұмыс) қалпында болғанда электр двигательді іске қосады, ал штанга тік ( жұмыс істемейтін) қалпына келгенде оны істен ажыратады. Еден сүрткіш кернеуі 220 В болатын айнымалы ток желісінде жұмыс атқарады; жұмыс қуаты көп дегенде 550 Вт. Салмағы шамамен 12 кг. Электрлікеденсүрткішпен жарты сағат ішінде еденнің 40 м2-ге дейінгі бетін сүртуге болады. Еденге мастика жағардан бір сағат бұрын оның бетін сүртіл алады. Еденге мастиканы 2—3 қабат етіп жақ қан дұрыс және оны әрбір қабат әбден кеуіл үлгіруі үшін 30 минуттай кейін жағу керек. Еденді сүрткенде еденсүрткіштің басқару штангасын қатты баспай, оны әрлі-берлі жайлап жылжытады. Еденді жалтырату үшін щеткаға жалтыратқыш шайба (тығырық) бекітеді де, онымен тағы бір рет еденнің бетін өңдейді. Еденді сүрту процесінде сүрткіш щетка мен жалтыратқыш шайба кірлейді, сондықтан, оларды әлсін-әлсін сабынды сумен немесе кір жуатын ұнтақ ерітіндімен жуып, онан кейін таза сумен шайып, кептірген жөн. Еденсүрткіш ұзақ жұмыс істегенде электр двигатель қызып кетеді, сондықтан әр 30—45 минуттай кейін оны 15—20 минуттай ток көзінен ажыратыл қою керек. Еденсүрткішті құрғақ жерде қорғаныш (шаң- нан) қорапта сақтаған дұрыс. Ұзақ сақтағанда оның қыл щеткасын жерге тигізбеу керек, өйткені еденсүрткіштің салмағымен щетка қылы майысып қалады. Еденсүрткіштің қозғалмалы тораптарының подшипниктерін шеберханада жылына бір рет майлатып отырған жөн.[1]

Дереккөздер[өңдеу]

  1. Шаңырақ : Үй-тұрмыстық энциклопедиясы. Алматы : Қаз.Сов.энцикл.Бас ред., 1990 ISBN 5-89800-008-9