Едіге Болысбаев

Болысбаев Едіге (8.4 1950. Алматы облысы Бақанас а.) – кинорежиссер.

Мәскеудегі Бүкілодақтық Кинематография институтын (шебер И.Таланкин мектебін) бітірген (1985). "Қазақтелефильм' студиясында өзінің алғашқы "Отбасылық альбом" қысқаметражды көркем фильмін түсірді. Ол Орталық теледидардан көрсетілді. Е.Болысбаев 1974 жылдан бастап «Қазақфильм» киностудиясында режиссердің ассистенті, режиссер. Режиссер ретіндегі алғашқы туындысы қысқаметражды көркем фильм "Күсен-Күсеке". Фильм қаламгер Сайын Мұратбековтың осы аттас әңгімесінің желісі негізінде жасалған. Жас режиссер осы картинаны жасаған кезінде өзінің шығармашылығын бағыттағы өзгеше таланты мен танылып, бүгінгі заман ауылының көркем келбетін басқа қырынан сомдады. КСРО Кинематографистер Одағының мүшесі (1989).