Еділбай Ісләмұлы Иманқұлов

Еділбай Ісләмұлы Иманқұлов

Еділбай Ісләмұлы Иманқұлов (20.11.1953 жыл, РКФСР, Орынбор облысы, Орынбор ауданы, Чебеньки кенті) - мемлекет қайраткері. Қазақ.

Орынбор политехникалық институтын (1977) инженер-құрылысшы мамандығы бойынша; Алматы саясаттану және басқару институтын (1991) саясаттанушы мамандығы бойынша бітірген.

«Нұр Отан» ХДП мүшесі.

1977 жылдан - «Ақтөбеқұрылыс» тресі «Ақтөбеарнайықұрылыс» құрылыс басқармасында шебер, жұмыс атқарушы, аға жұмыстар атқарушысы, 1981 жылдан - бас инженер. 1986 жылдың мамырынан - Ақтөбе қалалық Халық депутаттары кеңесі Фрунзе аудандық атқару комитеті төрағасының орынбасары. 1986 жылдың тамыз айынан - Ақтөбе қалалық Халық депутаттары кеңесі атқару комитеті төрағасының бірінші орынбасарының м.а., бірінші орынбасары. 1991 жылдан - Ақтөбе аймақтық мемлекеттік мүлік жөніндегі комитетінің төрағасы. 1993 жылдан - Ақтөбе облыстық әкімшілігі басшысының орынбасары - Мемлекеттік мүлік жөніндегі аймақтық комитеттің төрағасы. 1996 жылдан - Ақтөбе облысы әкімінің орынбасары. 1999 жылдан бері - ҚР Парламенті Сенатының депутаты, Экономикалық және өңірлік саясат комитетінің мүшесі.

«Қазақстан Республикасы - Еуропалық Одақ» парламенттік әріптестік комитетінің, ТМД қатысушы мемлекеттері парламентаралық ассамблеясының мүшесі. Канада және Малайзия Сенатымен, Моңғолия Ұлы Мемлекеттік Хуралымен, ГФР Федеративті Парламентімен, Хорватия Республикасының Парламентімен әріптестік тобының мүшесі.

«Құрмет» орденімен (2008); «Қазақстан Республикасының тәуелсіздігіне 10 жыл» (2001), «Қазақстан Конституциясына 10 жыл» (2005), «Қазақстан Парламентіне 10 жыл» (2006), «Астанаға 10 жыл» (2008) медальдарымен; ТМД қатысушы мемлекеттері парламентаралық ассамблеясының Құрмет грамотасымен марапатталған. ҚР Президентінің Алғысымен ескерілген (2003).

Әкесі - Иманқұлов Ісләм Омарұлы (1925-1994), зоотехник болған. Анасы - Иманқұлова Қанияш (1935 жылы туған), зейнеткер. Үйленген. Жұбайы - Жанұзақова Мәрзия Аманқосқызы (1969 жылы туған), заңгер. 3 қызы және 2 ұлы бар.