Езбе

Уикипедия — ашық энциклопедиясынан алынған мәлімет
Навигацияға өту Іздеуге өту

Езбе

  1. ұсатылған азықтардан (көбіне өсімдікті) — картоп, сәбіз, тарна, шалқан, сондай-ақ асбұршақ, үрмебұршақ, жармадан, қарақұмықтан, күріштен және т.б. дайындалатын біртектес қою біркелкі масса. Езбе жеке тағам болып саналатындықтан, оның құрамына түрлі май, жұмыртқа, сорпа және дәмдеуіш қоспалары кіреді. Пісіруден басқа Езбе технологиясы үгу, ұсақтау, бұлғауды (әсіресе бұршақ, картоп және жеміс езбесі) қамтиды;
  2. тағам немесе тағамдық дәмдеуіш ретінде пайдаланылатын езгіленген көкөніс немесе жемістер. Кондитер өнеркәсібінде алма езбесі коп қолданылады. Алма езбесін дайындау үшін Алманың күздік сорттарын салқын сумен жуып, одан соң бумен немесе ыстық сумен шарпиды. Шарпылған алма жұмсарады, зарарсызданады және алма құрамындағы қышқылдар температурасының жоғарылауынан пектин пайда болады. Тор көзді елек бетімен ысқыланып қабығынан, ұрықтарынан ажырап, біртекті массаға айналады. Осы массаны үстіне ыстық су құйып, тағы да шарпиды. Содан соң масса екінші рет ысқыланады. Алынған езбені мармелад өндірісінде қолданады. Осындай ретпен басқа да жемістерден езбелер дайындалады. Дайын езбелерді ұзақ уақытқа сақтау үшін консервілейді. Ол үшін өнімге микроорганизмдерді жоятын химиялық заттар (бензол және күкірт қышқылдары, сорбин қышқылының тұздары) қосылады. Езбені сақтаудың химиялық тәсілден басқа қыздыру, мұздату немесе кептіру тәсілдері де бар.[1]

Дереккөздер[өңдеу | қайнарын өңдеу]

  1. Қазақ тілі терминдер сөздігі I том